ޕޭޖަރުތައް ގޮއްވާލުމާ ގުޅިގެން އިސްރާއީލުގެ ކިބައިން ބަދަލު ހިފާނެކަމަށް ހިޒްބުﷲއިން ބުނެފި

ލުބުނާނުގެ ހަތިޔާރު އެޅި ޖަމާއަތް ހިޒްބުﷲގެ މެންބަރުން މުއާސަލާތު ކުރުމަށް ބޭނުންކުރާ ޕޭޖަރުތައް ގޮއްވާލި މައްސަލައިގައި އިސްރާއީލުގެ ކިބައިން ބަދަލުހިފާނެ ކަމަށް ހިޒްބުﷲ އިން ބުނެފިއެވެ.

މި ހާދިސާގައި 9 މީހުން މަރުވެ، 3،000 އެއްހައި މީހުން ޒަޚަމުވިއެވެ. މަރުވި މީހުންގެ ތެރޭގައި ހިޒްބުﷲގެ ގިނަ ހަނގުރާމަވެރިންިންނާއި އީރާނުން ބެއިރޫތަށް ކަނޑައަޅާފައި ހުރި ސަފީރު ވެސް ހިމެނެއެވެ.

ލުބުނާނުގެ އިންފޮމޭޝަން މިނިސްޓަރު ޒިޔާދު މަކާރީީ ވަނީ މި ހާދިސާ ވަރަށް ބޮޑަށް ކުށްވެރިކކޮށްފައެވެ. ހިޒްބުﷲގެ އޮފިޝަލަކު ބުނެފައިވަނީ މިިއީ އިސްރާއީލާ އެކު އޮތް ހަމަނުޖެހުމުގައި ސަލާމަތީ ގޮތުން ކުރިމަތިވި އެންމެ ބޮޑު ގެއްލުން ކަމަށެވެ.

ޕޭޖަރުތައް ގޮވީ ކިހިނެއްކަން އަދި ސާފުވެފައެއް ނުވެއެވެ. ނަމަވެސް ބައެއް އެނަލިސްޓުން ލަފާކުރާ ގޮތުގައި ރޭޑިއޯ ނެޓްވޯކް ހެކްކޮށްގެން ނުވަތަ ޕޭޖަރުތަކަށް ގޮވާ ތަކެތި ހަރުކޮށްގެން މިކަން ކޮށްފައި އޮވެދާނެއެވެ. މިއީ ދުރާލާ ރޭވިގެން ހިންގި އަމަލެއް ކަމަށް ގިނަ ފަރާތްތަކުން ޤަބޫލުކުރެއެވެ.

މި ހާދިސާއިން ހިޒްބުﷲގެ މުއާސަލާތީ ވިއުގައަށް ލިބުނު ގެއްލުމަކީ ޖަމާއަތުގެ ހަރަކާތްތަކަށް ވަރަށް ބޮޑު ހުރަހެއް ކަމަށް ސަލާމަތީ ދާއިރާގެ ތަޖުރިބާކާރުން ފާހަގަކުރެއެވެ. ޕޭޖަރުތަކަކީ ހިޒްބުﷲގެ ހަނގުރާމަވެރިން އިސްރާއީލުގއީލުގެ ޖާސޫސީ ހަރަކާތްތަކުން ސަލާމަތްވުމަށް ބޭނުންކުރާ މުހިންމު ވަސީލަތެއް ކަމަށްވުމާއެކު، މި ހާދިސާއިން ޖަމާއަތުގެ އޮޕަރޭޝަންތަކަށް ވަރަށް ބޮޑު ބުރޫއަރާނެ ކަމަށް ބެލެވެއެވެ.

މި ހާދިސާއާ ގުޅިގެން މެދުއިރުމަތީގެ ސަރަޙައްދުގައި އަލުން ހަނގުރާމައިގެ ހާލަތު އިތުރުވެދާނެ ކަމުގެ ބިރު ފާޅުކުރެވެމުންދެއެވެ. ހިޒްބުﷲއިން ބަދަލު ހިފުމުގެ ގޮތުން އިސްރާއީލަށް ހަމަލާދޭނެ ކަމަށް އިންޒާރު ދީފައިވާތީ، ދެ ފަރާތުގެ ދެމެދުގައި އޮތް ކޮންފްލިކްޓް އިތުރަށް ގޯސްވެ، ސަރަޙައްދީ ހަމަޖެހުމަށް ނޭދެވޭ އަސަރުކުރާނެ ކަމަށް ބައިނަލްއަޤްވާމީ މުޖުތަމަޢުން ކަންބޮޑުވުން ފާޅުކޮށްފައިވެއެވެ.