އިމިގްރޭޝަނުން މާލޭގެ ފަސް ގެއެއް ބަލައިފާސްކޮށް ތިން ބިދޭސީއަކު ހައްޔަރުކޮށްފި

ބިދޭސީން ތަކެއް ތައްޔާރުކޮށްފައިވާ ކާއެއްޗެހި / ފޮޓޯ: އިމިގްރޭޝަން

އިމިގްރޭޝަނުން އިއްޔެ މާލޭގެ ފަސް ގެއެއް ބަލައިފާސްކޮށް ތިން ބިދޭސީއަކު ހައްޔަރުކޮށްފިއެވެ.

މި އޮޕަރޭޝަނަކީ އާންމު ރައްޔިތުންގެ ސަލާމަތާއި ރައްކާތެރިކަމަށް ބެލުމެއް ނެތި، ބިދޭސީން ދިރިއުޅެމުން އަންނަ ތަންތަން ބަލައި ފާސްކުރުމަށް ހިންގަމުންދާ އޮޕަރޭޝަންގެ ބައެއް ކަމަށް އިމިގްރޭޝަނުން މަޢުލޫމާތު ދީފައިވެއެވެ.

އިމިގްރޭޝަނުން ހާމަކޮށްފައިވާ ފޮޓޯތަކުން ދައްކާގޮތުގައި، ފާސްކުރެވުނު ގެތައް ހުރީ ވަރަށް މުޑުދާރު ހާލަތެއްގައެވެ. އަދި އޭގެ ތެރެއިން އެއް ގޭގައި ވިއްކަން ތައްޔާރުކޮށްފައި ހުރި ކަމަށް ބެލެވޭ ރިހަ އާއި ރޮށިތަކެއް ވެސް ފެނިފައިވެއެވެ. ރިހަ ހުރީ ބާޒާރު ކޮތަޅުތަކެއްގައި ބަންދުކޮށްފައެވެ.

މި އަހަރުގެ މާރިޗު މަހުގެ 12 ވަނަ ދުވަހު ވެސް، ގަވާއިދާ ޚިލާފަށް ރާއްޖޭގައި އުޅޭ ބިދޭސީން ހޯދުމަށް ކުރަމުންދާ މަސައްކަތުގެ ތެރެއިން 18 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ. މި މައްސަލަ ހައްލުކުރުމަށް އިމިގްރޭޝަނުން ދަނީ ގިނަ މަސައްކަތްތަކެއް ކުރަމުންނެވެ. އަދި ފުލުހުންނާއި އެމްއެފްޑީއޭގެ އޮފިޝަލުން ވެސް މިހާރު އަންނަނީ އިމިގްރޭޝަންގެ އޮޕަރޭޝަންގައި ހަރަކާތްތެރިވަމުންނެވެ.

އިމިގްރޭޝަނުން ބުނެފައިވާ ގޮތުގައި، މައި، މި އޮޕަރޭޝަންތަކުގައި އިމިގްރޭޝަންގެ ބެލުމުގެ ދަށަށް ގެންދާ އެއްވެސް ބިދޭސީއަކަށް ދެވަނަ ފުރުސަތެއް ނުދޭނެއެވެ. މި މަސައްކަތުގެ ތެރެއިން ގިނަ އަދަދެއްގެ ބިދޭސީން މިހާރު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.

ބިދޭސީން އިމިގްރޭޝަން