ގަދަ ހިތްވަރާއެކު ކުޅުނު ދިވެހި ޓީމުގެ މައްޗަށް ކުރި ހޯދާ ކިރިގިސްތާނުން ތަށި ހޯދައިފި
ޗެމްޕިއަންޓީމަށް ތަށި ހަވާލުކުރުން
އޭޝިއާގެ ސެންޓްރަލް ޒޯން އަންހެން ވޮލީ ޗެލެންޖް ކަޕްގެ ފައިނަލުގައި ހިތްވަރުގަދަ ކުޅުމެއް ދެއްކި ރާއްޖޭގެ ޓީމު 3-2 ސެޓުން ބަލިކޮށް ކިރިގިސްތާނުން ޗެމްޕިއަންކަން ހޯދައިފިއެވެ.
ރޭޭ ސޯޝަލް ސެންޓަރުގެ އިންޑޯ ކޯޓުގައި ކުޅުނު ފަސް ސެޓަށް ދެމިގެންދިޔަ މެޗުގައި ކިރިގިސްތާނުން ސެޓްތައް ކާމިޔާބުކުރީ 25-17، 24-26، 25-18، 22-25 އަދި 15-9 އިންނެވެ.
ފުރަތަމަ ސެޓް ގެއްލުމަށްފަހު ދިވެހި ޓީމުން ދެވަނަ ސެޓް ކާމިޔާބުކޮށް އަނބުރާ މެޗަށް އައެވެ. ތިންވަނަ ސެޓުގައި ގިނަ ވަގުތު ލީޑުގައި އޮތް ނަމަވެސް، ފަހު ވަގުތު ކިރިގިސްތާނުން ކުޅުން ރަނގަޅުކޮށް އެ ސެޓް ކާމިޔާބުކުރިއެވެ. ހަތަރުވަނަ ސެޓުގައި ދިވެހި ޓީމުން އަނެއްކާވެސް ފޯރި ދައްކައި، މެޗު ފަސްވަނަ ސެޓަކަށް ގެންދިޔައެވެ. ނަމަވެސް ފަހު ސެޓުގައި ކިރިގިސްތާނުގެ ޓީމުން ބޮޑު ލީޑެއް ނަގައި، 15-9 އިން އެ ސެޓް ކާމިޔާބުކޮށް ޗެމްޕިއަންކަން ހޯދައިފިއެވެ.
މުބާރާތުގެ ޑްރީމް ޓީމުގައި ދިވެހިރާއްޖޭގެ ދެ ކުޅުންތެރިން ހިމެނިފައިވެއެވެ. އެއީ އޮޕަސިޓް ސްޕައިކަރު އައިޝަތު ޝަހާ ޝާމިން އާއި ސެޓަރު ފާތިމަތު ޖޫޒާން ޒަރީރެވެ.
ހަތަރު ޓީމު ވާދަކުރި މި މުބާރާތުގެ ރައުންޑް ރޮބިން ބުރުގައި ދިވެހިރާއްޖެ ވަނީ ސީދާ ތިން ސެޓުން ކިރިގިސްތާނަށް ބަލިވެފައެވެ. ނަމަވެސް ފައިނަލުގައި ދިވެހި ޓީމުން ދެއްކި ހިތްވަރުގަދަ ކުޅުމަކީ އުއްމީދު އާކޮށްދިން ކުޅުމެކެވެ.
މި މުބާރާތުގެ ތިންވަނަ ޖާގައަށް ވާދަކުރި މެޗުގައި ތަޖިކިސްތާނުން ވަނީ 3-1 ސެޓުން އަފްޣާނިސްތާން ބަލިކޮށް ބްރޯންޒް މެޑަލް ހޯދާފައެވެ.
ރޭގެ ފައިނަލް މެޗު ޝަރަފުވެރި ކޮށްދެއްވާފައި ވަނީ ރާއްޖޭގެ ރައީސުލްޖުމުހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފެވެ.
ސިފައިންގެ އަހަރީ ދުވަސް ފާހަގަ ކުރަން ބޭއްވި މަގުމަތީ ހިނގާލުން ރައީސް ޝަރަފުވެރިކޮށްދެއްވައިފި
ރައީސް ދެއްވަނީ ޖާގައާ ވަސީލަތުގެ ގޮތުން އެމްއެންޔޫއަށް ކުރިއެރުން ހޯދަދޭނެ ކަމުގެ ޔަގީންކަން
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ކޮމެންޓް