ޕީޖީގެ މަޤާމަށް މީހަކު ހޮވުމުގެ މަސައްކަތް މިރެއަށް ތާވަލުކޮށްފި

ރައްޔިތުންގެ މަޖިލީހުން ހުސްވެފައިވާ ޕްރޮސެކިއުޓަރ ޖެނެރަލް (ޕީޖީ)ގެ މަޤާމަށް ބޭފުޅަކު އައްޔަންކުރުމުގެ މަސައްކަތް މިރޭ ފެށުމަށް ތާވަލުކޮށްފައެވެ.

މިކަމަށް ތާވަލުކޮށްފައި ވަނީ މިކަމަށްޓަކައި މަޖިލީޖިލީހުގެ ދައުރުން ބޭރުން މިރޭ ބޭއްވުމަށް ހަމަޖެހިފައިވާ މަޖިލިހުގެ ޖަލްސާއަށެވެ.  

ޕީޖީގެ މަޤާމަށް ކުރިމަތިލުމުގެ މުއްދަތު މިއަދުގެ މެންދުރު 12:00 އަށް ހަމަވާނެއެވެ. މިހާތަނަށް މި މަޤާމަށް ކުރިމަތިލުމަށް ޝައުޤުވެރިކަން ފާޅުކޮށްފައިވާ ބޭފުޅުންގެ ތެރޭގައި ކްރިމިނަލް ކޯޓުގެ ކުރީގެ އިސްޤާޟީ އަޙްމަދު ހައިލަމް، ޤާނޫނީ ވަކީލު އާދަމް ޝަމީމް، އަދި ހައިކޯޓުގެ ކުރީގެ ފަނޑިޔާރު އައްބާސް ޝަރީފް ހިމެނެއެވެ.

ޕީޖީގެ މަޤާމަށް މީހަކު އައްޔަންކުރުމުގެ މަރުޙަލާގައި، ރައީސުލްޖުމްހޫރިއްޔާ ހުށަހަޅުއްވާ ނަންތަކުގެ ތެރެއިން މަޖިލީހުން ރުހުން ދޭ ބޭފުޅަކު އައްޔަންކުރެވޭނެއެވެ. ޤާނޫނުގައިވާ ގޮތުން، މަޤާމު ހުސްވާތާ 30 ދުވަހުގެ ތެރޭގައި އާ ޕީޖީއެއް އައްޔަންކުރަންޖެހެއެވެ.

ކުރީގެ ޕީޖީ ޙުސައިން ޝަމީމް މަޤާމުން ވަކިކުރެވުނީ ބައެއް މައްސަލަތަކުގައި ދަޢުވާ އަނބުރާ ގެންދިޔުމާ ގުޅިގެން މަޖިލީހުން ކުރި ތަޙްޤީޤަކަށް ފަހުގައެވެ. ޝަމީމް އެ މަޤާމުގައި ހުންނެވީ ހަތަރު އަހަރާއި އަށް މަހާއި ހަ ދުވަހުއެވެ.

ޕްރޮސެކިއުޓަރ ޖެނެރަލްގެ މަޤާމު އުފެދުނީއްސުރެ އެއްވެސް ޕީޖީއަކަށް ފަސް އަހަރުގެ ދައުރެއް ފުރިހަމަ ކުރެވިފައެއް ނުވެއެވެ.