ނޭޝަންސް ލީގުގައި އިޓަލީ އާއި ފްރާންސް ވެސް މޮޅުވެއްޖެ

ޔޫއެފާ ނޭޝަންސް ލީގުގައި ރޭ ކުޅެވުނު ގްރޫޕް ދޭއްގެ މެޗުތަކުން އިޓަލީ އާއި ފްރާންސް މޮޅުވެއްޖެއެވެ.

އިޓަލީން އިޒްރޭލް އަތުން 2-1 އިން މޮޅުވިއިރު، ފްރާންސުން ވަނީ ވާދަވެރި ބެލްޖިއަމް އަތުން 2-0 އިން މޮޅުވެފައެވެ.

ހަންގޭރީގެ ބޮޒްސިކް އެރީނާގައި ކުޅުނު މެޗުގައި އިޓަލީ އަށް ގޯލު ޖެހީ ޑެވިޑޭ ފްރަޓެއްސީ އާއި މޮއިސް ކީންއެވެ. އިޒްރޭލުގެ ގޯލު ޖެހީ އަބޫ ފަނީއެވެ. އިޓަލީގެ ކޯޗު ސްޕެލެއްޓީ ބުނީ ޒުވާން ޓީމު ގެ ފަރާތުން ވަރަށް އުންމީދީ ހުނަރުވެރި ކުޅުމެއް ފެންނަމުން ދާކަމަށެވެ.

ފްރާންސުގެ މެޗުގައި ގޯލު ޖެހީ ކޯލޯ މުއާނީ އާއި އޮސްމާނޭ ޑެމްބެލޭއެވެ. ފްރާންސުގެ ކޯޗު ޑިޝޯމްޕްސް ބުނީ ބެލްޖިއަމް ފަދަ ވަރުގަދަ ޓީމަކާ ދެކޮޅަށް މޮޅުވުމަކީ އުފާވެރި ކަމެއް ކަމަށެވެ.

ރޭގެ މެޗުތަކަށް ފަހު ގްރޫޕުގެ އެއްވަނައިގައި މިހާރު އޮތީ ހަ ޕޮއިންޓާއެކު އިޓަލީއެވެ. ދެވަނައިގައި އޮތީ ތިން ޕޮއިންޓާއެކު ފްރާންސްއެވެ. ބެލްޖިއަމް އޮތީ ތިންވަނައިގައެވެ. އިޒްރޭލް އޮތީ ފުލުގައެވެ. ގްރޫޕުން އެންމެ ގިނަ ޕޮއިންޓް ހޯދާ ދެ ޓީމު ކުއާޓާ ފައިނަލަށް ދާނެއެވެ.