އޭޑީބީގެ ރެޒިޑެންޓް މިޝަނެއް ރާއްޖޭގައި ގާއިމުކުރުމަށް މަޝްވަރާކޮށްފި

ފިނޭންސް މިނިސްޓްރީން ކުރިއަށް ގެންދިޔަ ބައްދަލުވުމުގެ ތެރެއިން / ފޮޓޯ:މިނިސްޓްރީ

އޭޝިއަން ޑިވެލޮޕްމަންޓް ބޭންކް (އޭޑީބީ)ގެ ރެޒިޑެންޓް މިޝަނެއް ރާއްޖޭގައި ގާއިމުކުރުމާ ބެހޭ ގޮތުން މަޝްވަރާތަކެއް ކުރިއަށް ގެންގޮސްފިއެވެ. މި މަޝްވަރާތައް ބޭއްވުނީ ފިނޭންސް މިނިސްޓަރު ޑރ. މުޙައްމަދު ޝަފީގު އަދި އޭޑީބީގެ އެގްޒެކެޓިވް ޑިރެކްޓަރު ޑރ. ޖަސްޓިން ޑިއޯކްނޯ ސިކެޓްއާ ދެމެދު ބޭއްވުނު ބައްދަލުވުމެއްގައެވެ.

ބައްދަލުވުމުގައި ދެ ފަރާތުން މަޝްވަރާކުރި އެހެނިހެން ކަންތައްތަކުގެ ތެރޭގައި ސަރުކާރުގެ މާލީ އިސްލާޙުތަކާއި، އޭޑީބީއާއެކު އިތުރަށް ގުޅުން ބަދަހިކުރެވޭނެ ގޮތްތައް ހިމެނެއެވެ. މި ބައްދަލުވުމުގައި ފިނޭންސް މިނިސްޓްރީގެ އިސްވެރިންވެސް ބައިވެރިވެވަޑައިގެންނެވިއެވެ.

ޑރ. ޖަސްޓިން ރާއްޖެއަށް ކުރައްވަމުން ގެންދަވަނީ ތިން ދުވަހުގެ ދަތުރެކެވެ. ފިނޭންސް މިނިސްޓްރީން މަޢުލޫމާތު ދެއްވާފައިވާ ގޮތުގައި، މި ދަތުރުގައި އޭނާ ސަރުކާރުގެ އެހެން އިސްވެރިންނާވެސް ބައްދަލުކުރައްވައި، އޭޑީބީގެ އެހީގައި ކުރިއަށްގެންދާ މަޝްރޫޢުތަކުގެ މަސައްކަތްތައް ބައްލަވައިލައްވާނެއެވެ.

އޭޑީބީއަކީ ރާއްޖޭގައި ހިންގާ ގިނަ މަޝްރޫޢުތަކަށް ފަންޑުކުރާ މުހިންމު ބޭންކެކެވެ. މީގެ ކުރިންވެސް އޭޑީބީގެ އެހީތެރިކަމާއެކު ވަރަށް ގިނަ ބޮޑެތި މަޝްރޫޢުތައް ރާއްޖޭގައި ނިންމާފައިވެއެވެ. މި ބައ މި ބައްދަލުވުމާއެކު ދެ ފަރާތުގެ ގުޅުން އިތުރަށް ބަދަހިވެ، ރާއްޖޭގެ ތަރައްޤީއަށް އިތުރު ފުރުސަތުތަކެއް ހުޅުވިގެންދާނެ ކަމަށް އުންމީދުކުރެވެއެވެ.

ފިނޭންސް މިނިސްޓްރީ