ޖަރުމަނުގައި ރާއްޖޭގެ ޓޫރިޒަމް ޕްރޮމޯޓްކުރާނެ އެޖެންސީއެއް ހޯދަން އިޢުލާންކޮށްފި

ފަތުރުވެރިކަން އިސްތިހާރު ކުރުމަށް މަސައްކަތް ކުރެވޭ

ރާއްޖޭގެ ޓޫރިޒަމް ބައިނަލްއަޤްވާމީ މާކެޓްގައި ޕްރޮމޯޓްކުރުމަށް އުފައްދާފައިވާ ސަރުކާރުގެ 100 އިންސައްތަ ހިއްސާ އޮންނަ ކުންފުނި، މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ޖަރުމަނުގައި ރާއްޖޭގެ ޓޫރިޒަމް ޕްރޮމޯޓްކުރާނެ އެޖެންސީއެއް ހޯދުމަށް އިޢުލާންކޮށްފައެވެ.

އެމްއެމްޕީއާރުސީން ކުރި އިޢުލާނުގައި ބުނެފައިވާ ގޮތުގައި، މި ފުރުޞަތަށް ޝައުޤުވެރިވާ ފަރާތްތަކުން މި މަހުގެ 19 ވަނަ ދުވަހުގެ ނިޔަލަށް ޕްރޮޕޯސަލް ހުށަހެޅުމަށް ވަނީ ހުޅުވާލާފައެވެ. މި މަސައްކަތަށް ކުރިމަތިލާ އެޖެންސީތަކަކީ ފާއިތުވި ފަސް އަހަރުގެ ތެރޭގައި މިފަދަ މަސައްކަތުގެ ތަޖުރިބާ ލިބިފައިވާ ތަންތަން ކަމުގައި ވާންޖެހޭނެއެވެ.

މި މަސައްކަތުގެ މައިގަނޑު މަޤްޞަދަކީ ރާއްޖޭގެ ޓޫރިޒަމަށް ޖަރުމަނުގެ މީހުން އަހުލުވެރިކޮށް، އެ ގައުމުން އަންނަ ފަތުރުވެރިންގެ އަދަދު އިތުރުކުރުމަށް މަސައްކަތްކުރުން ކަމަށް އެމްއެމްޕީއާރުސީން ބުނެފައިވެއެވެ. މިއީ ބޭރު ގައުމުތަކުގައި ރާއްޖެ ޕްރޮމޯޓްކުރުމުގެ މަސައްކަތުގެ ތެރެއިން ކުރެވޭ އިޢުލާނެކެވެ.

ރާއްޖެއަށް އެންމެ ގިނައިން ފަތުރުވެރިން އަންނަ ގައުމުތަކުގެ ތެރެއިން ޖަރުމަނު ވަނީ ފަސްވަނަ ގައެވެ. މި އަހަރުގެ އޮކްޓޯބަރު މަހުގެ 1 ވަނަ ދުވަހާ ހަމައަށް ޖަރުމަނުން 98،183 ފަތުރުވެރިން ރާއްޖެއަށް ޒިޔާރަތްކޮށްފައިވާ ކަމަށް ތަފާސްހިސާބުތަކުން ދައްކައެވެ.

ޓޫރިޒަމް މިނިސްޓަރ