މަތިވެރި ދާއިރާ އަދިވެސް އެދެނީ ޒަރީރުގެ އިތުރު ދަޢުރަކަށް - ނަތީޖާ ނެރެދީފި!

ނަވާރަ ވަނަ ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރުގެ ގޮތުގައި މިހާރުވެސް ހުންނެވީ މެމްބަރު ޙަސަން ޒަރީރެވެ. ޒަރީރަކީ ދާއިރާގެ ރައްޔިތުންގެ ވިސްނުމާއި ފިކުރާއި އެއްގޮތަށް މަސައްކަތް ކުރެއްވި ބޭފުޅެއްކަމާމެދު ދާއިރާގެ އެއްވެސް މީހެއްގެ ހިތުގައި އެއްވެސް މިންވަރެއްގެ ޝައްކެއް ނުހިނގައެވެ.

 

ދާއިރާގައި ހިމެނޭ ރަށްތަކަށް ތަރައްޤީ ގެނައުމުގައި ޒަރީރު ވަނީ ގިނަ ގުނަ މަސައްކަތްތަކެއް ކުރައްވާފައެވެ. އެ ދާއިރާގައި ހިމެނޭ ރަށްތަކުގެ ތެރެއިން ކުޑަ ރަށެއް ބޮޑުރަށެއް ބެލުމެއް ނެތި ސަރުކާރުގެ ތެރެއިން ކުރެވެން ހުރި ކަންކަން ބަލައި އަސާސީ ހުރިހާ ޚިދުމަތްތަކެއް ވަނީ ފުރިހަމަކޮށްދެއްވާފައެވެ. 

ލާމަރުކަޒީ ނިޒާމުން އިދާރީ ހިންގުމަށް ބަދަލު ގެނެވިފައިވީނަމަވެސް ޒަރީރު ޤަބޫލުކުރައްވާ ގޮތުގައި އެކަން ތަންފީޒުވުމުގައި ދާއިރާތަކުގެ ކުރިމަތީގައި އަދިވެސް ބައެއް ހުރަސްތައް އެބަހުއްޓެވެ. ދާއިރާތައް ތަރައްޤީވެ ކުރިއަށްދިޔުމަށްޓަކައި ޤާނޫނުތައް އިޞްލާޙުކޮށް، އައު ޤާނޫނުތައް އުފަންކޮށްގެން މެނުވީ ދާއިރާގެ ރައްޔިތުން އެދޭފަދަ ތަރައްޤީއެއް ނުގެނެވޭނެކަމަށް ޒަރީރު ވިދާޅުވެއެވެ. އެގޮތުން މަތިވެރި ދާއިރާއަށް ބޭނުންޖެހިފައިހުރި ކަންކަމަށް ވަކާލާތުކޮށް ޤާނޫނުގެ ތެރެއިން ކަންކަން މަގުފަހިކުރެވޭނީ މަޖިލީހުގެ ތެރެއިން ކަމާއި އެކަން މިއަދާ ހަމައަށް އައިއިރު ސާބިތުކަމާއެކު ކުރައްވާފައިވަނީ ޒަރީރެވެ.

 

އއ.އަތޮޅަކީ ފަތުރުވެރިކަމުގައި އެންމެ ފާހަގަކޮށްލެވޭ އެއް އަތޮޅެވެ. ރަށު ފަތުރުވެރިކަމުގައިވެސް އއ.އޮތީ ދިވެހިރާއްޖޭގެ އެންމެ ކުރީގައޭ ބުނުން ދޮގަކަށްނުވާނެއެވެ.

މަތިވެރީ ދާއިރާގެ މަތިވެރީގައި އެއަރޕޯޓެއް އެޅުމަކީ އަދުގެ ރައީސުލްޖުމްހޫރިއްޔާގެ ވައުދުފުޅެކެވެ. މިއީ އެ ދާއިރާއަށް ނުހަނު މުޙިއްމު ޕްރޮޖެކްޓެކެވެ. އެކަން މިއަދު ވަނީ މި ސަރުކާރުން އިޢުލާންވެސް ކުރައްވާފައެވެ. ހަމައެކާއެކު ބިން ހިއްކާނަމަ ގެދޮރުގެ ދަތިކަން ހައްލުކުރުމަށް އެ ބިން ބޭނުންކުރުން މުހިއްމެވެ.

ޒަރީރު އެދެނީ މަތިވެރި ދާއިރާ އިތުރަށް ތަރައްޤީވެގެން ދިއުމެވެ. އެ ވަކާލާތު ކޮށްދޭނޭ މީހަކީ އެއީއެވެ. އަދުގެ ސަރުކާރުގެ ފުރިހަމަ ތާޢީދު ޒަރީރަށް އޮތްއިރު މިއަދު މި ސަރުކާރު ގެނައުމަށް އެންމެ ވަރުގަދަ މަސައްކަތްތަކެއް ކުރެއްވި ބޭފުޅުންގެ ތެރޭގައި ޒަރީރު ހިމެނިވަޑައިގަންނަވައެވެ. ސަރުކާރުގެ ތެރޭގައި ޒަރީރުގެ ގުޅުން ބޮޑު އެތައް ވަޒީރުންނެއް އެބަ ތިއްބެވިއެވެ. ހުރިހާ ފަންތިއެއްގެ ބޭފުޅުންވެސް ޒަރީރު ދަނެއެވެ. މިއީ ދާއިރާގެ ތަރައްޤީއަށް އޮތް ހެޔޮ ފާލެކެވެ.

 

މާތް ﷲ ގެ ރަޙްމަތްފުޅާއެކު މި އިންތިހާބު ޒަރީރު ކާމިޔާބު ކުރައްވާނީ ރައްޔިތުންގެ ފުރިހަމަ އަޣުލަބިއްޔަތާއެކުއެވެ.