އާ ކޯޗާއިއެކު ލިވަޕޫލުން ޔުނައިޓެޑް ވެސް ބަލިކޮށްފި

ލަނޑުޖެހުމަށްފަހު އުފާ ފާޅޫކުރުން

މެންޗެސްޓަރ ޔުނައިޓެޑްގެ ދަނޑު، އޯލްޑް ޓްރެފޯޑްގައި ރޭ ކުޅުނު މެޗުގައި ލިވަޕޫލުގެ އާކޯޗު ސްލޮޓް އާއި އެކު ނިކުމެ ވަރުގަދަ މެންޗެސްޓަރ ޔުނައިޓެޑް 3-0 އިން ބަލިކޮށްފިއެވެ.

ފުރަތަމަ ހާފުގައި ލުއިސް ޑިއާޒް ޖެހި ދެ ލަނޑަށްފަހު، ދެވަނަ ހާފުގައި ސަލާހު ވަނީ ތިންވަނަ ލަނޑު ޖަހައިފައެވެ. މިއީ ޑޮމިނިކް ސޮބޯސްލާއި ދިން ބޯޅައަކުން ސަލާހު ޖެހި ގޯލެކެވެ. އިތުރު ގޯލުތަކެއް ޖަހަން ސަލާހު އާއި ސޮބޯސްލާއި އަށް ހުސް ފުރުސަތުތަކެއް ލިބުނު ނަމަވެސް ބޭނުމެއް ނުކުރެވުނެވެ.

ޔުނައިޓެޑަށް ލަނޑެއް ޖަހައިދޭން ޖޯޝުއާ ޒާކްޒީ ފޮނުވާލި ދެ ބޯޅަ ވެސް ލިވަޕޫލްގެ ކީޕަރު އަލިސަން ބެކާ ވަނީ މަތަކޮށްފައެވެ.

ޔުނައިޓެޑްގެ ކޯޗު އެރިކް ޓެން ހާގް ބުނީ އޭނާގެ ޓީމަށް ވުރެ ރަނގަޅަށް މި މެޗުގައި ޖުމްލަކޮށް ލިވަޕޫލުން ކުރި މަސައްކަތް ރަނގަޅުކަމަށާއި މޮޅެއް ހައްގުވަނީ ވެސް ލިވަޕޫލަށް ކަމަށެވެ. ލީގުގައި ފުރަތަމަ ކުޅުނު ތިން މެޗުގެ ތެރެއިން ދެ މެޗުން ޔުނައިޓެޑް މި ވަނީ ބަލިވެފައެވެ.

ސްލޮޓް މި ވަނީ ލިވަޕޫލާ ހަވާލުވުމަށް ފަހު، ފުރަތަމަ މެޗުގައި ޔުނައިޓެޑް އަތުން މޮޅުވެ، މި ގަރުނުގައި އެކަން ހާސިލްކުރި ފުރަތަމަ ކޯޗުގެ ޝަރަފް ހޯދައިފައެވެ. އެންމެ ފަހުން އެކަން ހާސިލްކުރީ، 1975 ވަނަ އަހަރު ލިވަޕޫލަށް ކޯޗުކޮށްދިން ބޮބް ޕޭސްލީ އެވެ.

މިރޭ ކުޅުނު އެހެން މެޗުތަކުގައި ޗެލްސީން އަމިއްލަ ދަނޑުގައި 1-1 އިން ކްރިސްޓަލް ޕެލަސްއާ އެއްވަރުވިއެވެ. އަދި ނިއުކާސަލް ޔުނައިޓެޑުން ވަނީ އަމިއްލަ ދަނޑުގައި 2-1 އިން ޓޮޓެންހަމް ހޮޓްސްޕާސް ބަލިކޮށްފައެވެ.

އިނގިރޭސި ޕްރިމިއަރ ލީގު ލިވަޕޫލް މެންޗެސްޓަރ ޔުނައިޓެޑް