ގައުމީ ޓީޓީ ރޭންކިންގެ އެއްވަނަ ދީމާ އާއި މުންސިފަށް
އަންހެން ޑިވިޝަނުގެ އެއްވަނަ މަޤާމު ފާތިމަތު ދީމާ އަލީ ހޯދައިފައިވާއިރު، ފިރިހެން ޑިވިޝަނުގެ އެއްވަނަ މަޤާމު މޫސާ މުންސިފް އަޙްމަދު ހޯދާފައިވެއެވެ.
ޓޭބަލް ޓެނިސް އެސޯސިއޭޝަން އޮފް މޯލްޑިވްސްއިން އިޢުލާންކުރި އެންމެ ފަހުގެ ގައުމީ ރޭންކިންގައި، އަންހެން ޑިވިޝަނުގެ އެއްވަނަ މަޤާމު ފާތިމަތު ދީމާ އަލީ ހޯދައިފައިވާއިރު، ފިރިހެން ޑިވިޝަނުގެ އެއްވަނަ މަޤާމު މޫސާ މުންސިފް އަޙްމަދު ހޯދާފައިވެއެވެ.
މިއީ މި އަހަރު ބޭއްވުނު ރޭންކިންގ މުބާރާތްތަކުގެ ތެރެއިން ދެވަނަ މުބާރާތެވެ. އަންހެން ޑިވިޝަނުގެ ރޭންކިންގ އެއްވަނަ ހޯދި ދީމާ، މި މަޤާމުގައި ދެމިހުރިތާ މިހާރު ހަތް އަހަރު ވެފައިވެއެވެ. އޭނާ ވަނީ 2018 ވަނަ އަހަރުން ފެށިގެން މެދުނުކެނޑި ރޭންކިންގ އެއްވަނަ ދަމަހައްޓާފައެވެ.
ދީމާ ރޭންކިންގ އެއްވަނަ ހޯދީ ތިން ބުރުގައި ކުޅުނު 24 މެޗުން ޖުމްލަ 48 ޕޮއިންޓް ހޯދައިގެންނެވެ. ކޮންމެ ބުރެއްގައި ޖުމްލަ 8 މެޗު ކުޅެއެވެ. އަންހެން ޑިވިޝަނުގެ ދެވަނަ މަޤާމު ހޯދާފައިވަނީ އައިޝަތު ރަފާ ނާޒިމްއެވެ.
މިއީ އަހަރެއްގެ މެދުކެނޑުމަކަށްފަހު ރަފާ ރާއްޖޭގެ މުބާރާތެއްގައި ބައިވެރިވި ފުރަތަމަ ފަހަރެވެ. އޭނާ މިވަގުތު ދަނީ އިނގިރޭސިވިލާތުގައި މެޑިކަލް ދާއިރާއިން ތަޢުލީމު ހާސިލުކުރަމުންނެވެ. ރަފާ ރޭންކިންގ ދެވަނަ ހޯދީ ޖުމްލަ 21 މެޗުން މޮޅުވެ، 45 ޕޮއިންޓް ހޯދައިގެންނެވެ.
ތިންވަނަ މަޤާމު ހޯދި މިޝްކާ މުޙައްމަދު އިބްރާހީމް ވަނީ ފުރަތަމަ ބުރުގައި 6 މެޗުން، ދެވަނަ ބުރުގައި 5 މެޗުން އަދި ތިންވަނަ ބުރުގައި 6 މެޗުން މޮޅުވެ، ޖުމްލަ 41 ޕޮއިންޓް ހޯދާފައެވެ. ހަތަރުވަނަ މަޤާމު ހޯދީ ލައިސާ ފަތުޙުﷲ އިސްމާޢީލެވެ. އޭނާ ވަނީ 15 މެޗުން މޮޅުވެ 39 ޕޮއިންޓް ހޯދާފައެވެ. ފަސްވަނަ މަޤާމު ހޯދާފައިވަނީ ތަޖުރިބާކާރު ކުޅުންތެރިޔާ ފާތިމަތު ޖުމާނާ ނިމާލެވެ. ޖުމާނާ ވަނީ 11 މެޗުން މޮޅުވެ 35 ޕޮއިންޓު ހޯދާފައެވެ.
ސިފައިންގެ އަހަރީ ދުވަސް ފާހަގަ ކުރަން ބޭއްވި މަގުމަތީ ހިނގާލުން ރައީސް ޝަރަފުވެރިކޮށްދެއްވައިފި
ރައީސް ދެއްވަނީ ޖާގައާ ވަސީލަތުގެ ގޮތުން އެމްއެންޔޫއަށް ކުރިއެރުން ހޯދަދޭނެ ކަމުގެ ޔަގީންކަން
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ކޮމެންޓް