ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރުކަމަށް ރުކުމާ އައްޔަންކޮށްފި

މުހައްމަދު އަބްދުލް ކަރީމް (ރުކުމާ)

ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރުކަމަށް ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ ކުރީގެ މެންބަރު މުހައްމަދު އަބްދުލް ކަރީމް (ރުކުމާ) ހަމަޖައްސައިފިއެވެ.

މި މަޤާމަށް ރުކުމާ އައްޔަންކުރި ކަން ފެނަކައިން ވަނީ އިޢުލާންކޮށް، މަރުހަބާ ކިޔައިފައެވެ.

ރުކުމާ މީގެ ކުރިން ހުންނެވީ ވޭސްޓް މެނޭޖުމަންޓް ކޯޕަރޭޝަން (ވެމްކޯ)ގެ ޑެޕިއުޓީ މެނޭޖިން ޑިރެކްޓަރުގެ މަޤާމުގައެވެ. އެ މަޤާމަށް ރުކުމާ އައްޔަންކުރެއްވީ ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެންނެވި ފަހުންނެވެ.

ފެނަކައިން ކުރާ މަސައްކަތުގައި ރުކުމާގެ ލީޑަޝިޕާއި ތަޖުރިބާ މުހިންމު ވާނެ ކަމަށް ވެސް ފެނަކައިގެ ޕޯސްޓުގައި ބަޔާންކޮށްފައިވެއެވެ.

މި ބަދަލާ ގުޅިގެން، ފެނަކަގެ ޑެޕިއުޓީ މެނޭޖިން ޑިރެކްޓަރުގެ މަޤާމުގައި ހުންނެވި އިބްރާހިމް ނާއިފް ވަނީ އެ މަޤާމުން ވަކިކޮށްފައެވެ. ނާއިފް އެ މަޤާމުން ވަކިކުރެއްވުމާ ގުޅިގެން މިއަދު ފެނަކައިން ވަނީ ނާއިފްގެ ޚިދުމަތަށް ޝުކުރު އަދާކޮށްފައެވެ.

ފެނަކަ ކޯޕަރޭޝަން