އެމްއާރުއެމް އުވާލަން އިލެކްޝަންސް ކޮމިޝަނުން އަނެއްކާވެސް ނިންމައިފި
އެމްއާރުއެމް އަކީ ތިންހާސް ހަމަނުވާ ޕާޓީއެއްކަމަށް އީސީން ވަނީ ނިންމާފަ
ކުރީގެ ރައީސް މައުމޫން އަބްދުލްގައްޔޫމް އިސްވެ ހުންނަވައި އުފެއްދެވި މޯލްޑިވްސް ރިފޯމް މޫވްމަންޓް (އެމްއާރުއެމް) އުވާލަން އިލެކްޝަންސް ކޮމިޝަން (އީސީ) އިން އަނެއްކާވެސް މިއަދު ނިންމައިފި އެވެ.
ގާނޫނުގައި ލާޒިމުކުރާ 3،000 މެންބަރުން ހަމަނުވާ ކަމަށް ބުނެ އެ ޕާޓީ އުވާލަން މިދިޔަ އަހަރުގެ މެއި މަހުގެ ތެރޭގައި ވެސް އީސީން ނިންމި އެވެ. އެއާ އެކު ސިޔާސީ އެއްވެސް ހަރަކާތެއް ނުހިންގަން އެ ކޮމިޝަނުން ޕާޓީއަށް އެންގި އެވެ. އެހެންވެ، ރިޔާސީ އިންތިޚާބުގައި އެ ޕާޓީގެ ކެންޑިޑޭޓު ފާރިސް މައުމޫން ވާދަކުރެއްވީ އަމިއްލަ ގޮތުން އެވެ.
އީސީގެ ނިންމުން އެ ޕާޓީން ގަބޫލެއް ނުކުރެ އެވެ. އެމްއާރުއެމުން ތުހުމަތުކުރި ގޮތުގައި އެއީ ބައެއްގެ ނުފޫޒުން ނިންމި ނިންމުމެކެވެ. އެހެންވެ، މިދިޔަ އަހަރު ޖުލައި މަހު އެ މައްސަލަ ސިވިލް ކޯޓަށް ވެއްދުމުން، ކޯޓުން ހުކުމް ކުރީ އީސީއާ ދެކޮޅަށެވެ. އެމްއާރުއެމް އުވާލަން އީސީން ނިންމި ނިންމުން ބާތިލްކޮށް، ކޯޓުން އޭރު ހުކުމް ކުރީ ޝަރީއަތުގެ ހަރަދަށް ހިނގި 50،000 ރުފިޔާ ވެސް އެ ޕާޓީއަށް ދައްކާށެވެ.
އެމްއާރުއެމް އުވާލަން މިދިޔަ އަހަރު އީސީއިން ނިންމިއިރު، އެ ޕާޓީގައި ތިބީ 2،981 މެންބަރުންނެވެ. އެހެންކަމުން ގާނޫނުގައި ބުނާ އަދަދު ހަމަވާން މަދުވީ އެންމެ 21 މެންބަރުންނެވެ. އޭގެ ފަހުން މިދިޔަ އަހަރުގެ ފެބުރުއަރީ މަހުގެ ތެރޭގައި އެމްއާރުއެމް އިން ބުނީ، އީސީން ބުނާ އަދަދަށް ފޯމު ހަމަކޮށް، އެ ކޮމިޝަނަށް ހުށަހަޅާފައިވާ ކަމަށެވެ.
އެކަމަކު އީސީން މިއަދު އަނެއްކާވެސް ވަނީ، 3،000 މެންބަރުން ހަމަނުވާ ކަމަށް ބުނެ ޕާޓީ އުވާލަން ނިންމާފައިވާ ކަމަށް ބުނެފަ އެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް