ހާލަންޑުގެ ހެޓްރިކާއެކު ޗެމްޕިއަން ސިޓީއަށް ފަސޭހަ މޮޅެއް

ހާލަންޑް ވަނީ ރޭގެ މެޗުގައި ހެޓްރިކު ހަދާފައި

އިގިރޭސި ޕްރިމިއަރ ލީގުގައި މެންޗެސްޓަރ ސިޓީ އިން ރޭ ކުޅުނު މެޗު ހާލަންޑުގެ ހެޓްރިކާއިއެކު ފަސޭހަކަމާއި އެކު ކާމިޔާބުކޮށްފިއެވެ.

މި މެޗު ސިޓީން ކާމިޔާބުކޮށްފައިވަނީ ލީގަށް އަލަށް ޕްރޮމޯޓްވި އިޕްސްވިޗް އާ ދެކޮޅަށް ކުޅެ 4-1 ގެ ނަތީޖާއަކުން ނެވެ.

އިޕްސްވިޗްގެ އަމިއްލަ ދަނޑުގައި ކުޅުނު މި މެޗުގައި ފުރަތަމަ ލަނޑު ޖެހީ އިޕްސްވިޗްގެ ސެމީ ސްމޮޑިކްސް އެވެ. ނަމަވެސް އޭގެ ފަހުން ސިޓީގެ ހާލަންޑް، ކެވިން ޑިބްރެއިނާ އަދި ހާލަންޑް އިތުރު ލަނޑެއް ޖަހައި، ފުރަތަމަ ހާފު ނިމުނުއިރު ސިޓީ އިން 3-1 ގެ ނަތީޖާއަކުން ތަފާތު ބޮޑުކޮށްފައެވެ.

ދެވަނަ ހާފުގައި ވެސް މުޅިމެޗުކަހަަލަ ގޮތަކަށް ސިޓީ އިން ޑޮމިނޭޓް 88 ވަނަ މިނެޓުގައި ހާލަންޑް އޭނާގެ ހެޓްރިކް ފުރިހަމަކޮށް، މެޗުގެ ކުޅުން ނިމިގެން ދިޔައީ 4-1 ލަނޑުގެ ބޮޑު ތަފާތަކުން ސިޓީ މޮޅުވެގެންނެވެ.

މި މޮޅުވުމާއެކު ސިޓީ ވަނީ ކުޅުނު ދެ މެޗުން މޮޅުވެ 6 ޕޮއިންޓާއެކު ފައިދާ ގޯލުން ލީގު ތާވަލުގެ އެއްވަނައަށް އަރައިފައެވެ. ރޭގެ މި ނަތީޖާއާއި އެކު ކުޅުނު ދެ މެޗުންވެސް ބަލިވެ، އިޕްސްވިޗް މިވަގުތު އޮތީ ލީގު ތާވަލުގެ 19 ވަނައިގައެވެ.

މެންޗެސްޓަރ ސިޓީ އިނގިރޭސި ޕްރިމިއަރ ލީގު