ދިވެހި ސާފިންޓީމުން ހޯދި ކާމިޔާބީއަށް ރައީސުލްޖުމްހޫރިއްޔާ މަރުޙަބާ ވިދާޅުވެއްޖެ
މުބާރާތް ފެށުމުގެ ކުރިން ކުޅިވަރާއި ބެހޭ ވަޒީރުވަނީ ސާފަރުންނާއި ބައްދަލުކުރައްވާފައި / ފޮޓޯ: މިނިސްޓްރީ
އޭޝިއަން ސާފިން ޗެމްޕިއަންޝިޕް 2024 ގައި ދިވެހި ގައުމީ ފިރިހެން ޓީމާއި އަންހެން ޓީމުން ހޯދި ކާމިޔާބީއަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަރުޙަބާ ވިދާޅުވެއްޖެއެވެ.
މި މުބާރާތުގައި ބައިވެރިވި ދިވެހި ގައުމީ ފިރިހެން ޓީމާއި އަންހެން ޓީމުން ވަނީ 2026 ވަނަ އަހަރު ޖަޕާނުގައި ބާއްވާ އޭޝިއަން ގޭމްސްގެ ޖާގަތައް ކަށަވަރުކޮށްފައެވެ.
އޭޝިއަން ގޭމްސްގެ ފިރިހެން ސާފިންގައި ދެކުނު އޭޝިއާއަށް ލިބޭ ޖާގަ ރާއްޖެއަށް ކަށަވަރުވީ މެންސް އޯޕަން ބައިގެ ކުއާޓާ ފައިނަލް ހީޓު އެކެއްގައި ރާއްޖޭގެ ހޫދު އަޙްމަދު ވާދަކޮށް، 9.10 ސްކޯއަކާއެކު ތިންވަނަ ހޯދުމުންނެވެ. އަންހެން ޑިވިޝަނުން ރާއްޖެއަށް ފުރުސަތު ލިބުނީ ވިމެން އޯޕަން ބައިގެ ތިންވަނަ ބުރުގެ ހީޓު އެކެއްގައި ރާއްޖޭގެ މަރިޔަމް ރާހިލް ނަސީމް (އާޔާ) ވާދަކޮށް، 4.2 ސްކޯއަކާއެކު ހީޓުގެ ތިންވަނަ ހޯދުމުންނެވެ.
މި ނަތީޖާތަކާއެކު ރޭންކިންގައި ރާއްޖެއަށް ވަނީ ދެކުނު އޭޝިއާ ސަރަހައްދުގެ އެއްވަނަވެސް ލިބިފައެވެ. އަދި މި ވަގުތު ރާއްޖެ އޮތީ އޭޝިއާ ބައްރުގެ ހަތަރުވަނައިގައެވެ. އޭޝިއަން ސާފިން ޗެމްޕިއަންޝިޕް ކުރިއަށްދަނީ ކ. ތުލުސްދޫގައެވެ. މިމަހުގެ 17 ގައި ފެށި މިމުބާރާތުގައި އޭޝިއާގެ 20 ގައުމަކުން 100 އަށްވުރެ ގިނަ އެތުލީޓުން ވާދަކުރެއެވެ. މިއީ މި މުބާރާތް ރާއްޖޭގައި ބާއްވާ ދެވަނަ ފަހަރެވެ. މިމުބާރާތް ނިމޭނީ އަންނަ ހޮނިހިރު ދުވަހެވެ.
މި ކާމިޔާބީއާއެކު، ދިވެހި ސާފިން ޓީމުތަކުން ވަނީ 2026 ވަނަ އަހަރު ޖަޕާނުގައި ބޭއްވުމަށް ހަމަޖެހިފައިވާ އޭޝިއަން ގޭމްސްގައި ވާދަކުރުމުގެ ފުރުސަތު ހޯދާފައެވެ. މިއީ ދިވެހި ކުޅިވަރު ތާރީޚުގައި ފާހަގަކޮށްލެވޭ ކާމިޔާބީއެކެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް