ތަރައްޤީގެ ސްޓްރެޓެޖީތަކުގައި ބައިނަލްއަޤްވާމީ އެއްބާރުލުން މުހިންމު: މަޖިލިސް ރައީސް

ތަރައްޤީގެ ސްޓްރެޓެޖީތައް އެކުލަވާލުމުގައި ބައިނަލްއަޤްވާމީ އެއްބާރުލުމަށް އިސްކަންދިނުން މުހިންމު ކަމަށް ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވެފައި ވަނީ ޗައިނާގެ ބެއިޖިންގގައި މިހާރު ކުރިއަށްދާ "2024 އިންޓަރ-ރީޖަނަލް ސެމިނަރ" ގައި ތަޤުރީރު ކުރައްވަމުންނެވެ.

މަޖިލިސް ރައީސް ފާހަގަކުރެއްވި ގޮތުގައި، ކޮންމެ ޤައުމަކުންވެސް އެ ޤައުމެއްގެ ޚާއްޞަ ހާލަތްތަކަށާއި ވަސީލަތްތަކަށް ރިޢާޔަތްކުރަންޖެހެއެވެ. އަދި ރާއްޖޭގެ އިޤްތިޞާދީ ތަރައްޤީގެ ސްޓްރެޓެޖީތައް ވަނީ ޑިމޮކްރެޓިކް އޮނިގަނޑާއި ތިމާވެށީގެ ދެމެހެއްޓެނިވިކަމާ ގުޅިފައިކަމަށް ވިދާޅުވިއެވެ.

އެމަނިކުފާނު އިތުރަށް ވިދާޅުވީ، އެންމެންނަށް ފައިދާ ލިބޭފަދަ އިޤްތިޞާދީ ގޮތުން ބަވަނަވެފައިވާ ދުނިޔެއަކަށް ވާސިލުވުމަށް، ދެމެހެއްޓެނިވި އުސޫލުތަކަށާއި، ޑިމޮކްރެޓިކް އުސޫލުތަކަށާއި، ބައިނަލްއަޤްވާމީ އެއްބާރުލުމަށް އަހަންމިއްޔަތުކަން ދިނުން މުހިންމުކަމަށެވެ. އަދި މިކަމުގައި ޗައިނާއާއި އެހެނިހެން ޤައުމުތަކާއެކު ގުޅިގެން މަސައްކަތްކުރުމަށް ރާއްޖެއިން ބޭނުންވާކަމަށްވެސް ވިދާޅުވިއެވެ.

18 އިން 23 އޯގަސްޓަށް ކުރިއަށްދާ މި ބައްދަލުވުމުގައި މަޖިލީހުގެ ރައީސްގެ އިތުރުން، ތިން މެންބަރުންނާއި މަޖިލީހުގެ އަމީން ޢާންމު ބައިވެރިވެވަޑައިގަންނަވައެވެ.