ޕީޖީ ޝަމީމަށް ހަމަލާދިން މައްސަލައިގައި 7 މީހެއްގެ މައްޗަށް ދަޢުވާކުރުމަށް ފޮނުވާފައިފި

ޕްރޮސެކިއުޓަރ ޖެނެރަލް ހުސައިން ޝަމީމަށް ހަމަލާދިން މައްސަލައިގައި 7 މީހެއްގެ މައްޗަށް ދަޢުވާކޮށްދިނުމަށް އެދި ފުލުހުން ޕްރޮސެކިއުޓަރ ޖެނެރަލްގެ އޮފީހަށް މައްސަލަ ފޮނުވައިފިއެވެ.

މިދިޔަ ޖެނުއަރީ 31 ވަނަ ދުވަހުގެ ހެނދުނު ޕްރޮސެކިއުޓަރ ޖެނެރަލް ހުސައިން ޝަމީމަށް އޭނާގެ ގޭ ދޮރުމަތިން ހަމަލާދިން މައްސަލައިގައި ހައްޔަރުކުރެވުނު 7 މީހުންގެ ތަޙްޤީޤު މިހާރު ވަނީ ނިމިފައެވެ. އަދި އެ 7 މީހުންގެ މައްޗަށް ދަޢުވާކޮށްދިނުމަށް އެދި މިމަހުގެ 18 ވަނަ ދުވަހު ވަނީ ޕްރޮސެކިއުޓަރ ޖެނެރަލްގެ އޮފީހަށް މައްސަލަ ފޮނުވާފައެވެ.

މި މައްސަލައިގައި ދަޢުވާކުރުމަށް ފޮނުވާފައިވާ 7 މީހުންނަކީ:

1. ޝަމާލް ހުސެން (21 އަހަރު، މުސްތަރީގެ / ތ. ގާދިއްފުށި)

2. ޒަޔާން ނަސީރު (23 އަހަރު، ކެމީހިޔާ / އދ. މާމިގިލި)

3. އަބާން އަބްދުލްހައްނާން (23 އަހަރު، ރުވާ / ތ. ދިޔަމިގިލި)

4. ރަޖުވާން ލަތީފް (22 އަހަރު، މުރިނގު / ލ. މާމެންދޫ)

5. މިދުހަތު އާދަމް (24 އަހަރު، ރިވެލި / ރ. އަލިފުށި)

6. މުހައްމަދު ޖަޒްލާން (22 އަހަރު، ތުނޑި ޖަވާހިރުވިލާ / ލ. ގަން)

7. އަހްމަދު މައިސާން ހާޝިމް (20 އަހަރު، މާލޭ ދަފްތަރު ނަންބަރު 2247)

 ޕްރޮސެކިއުޓަރ ޖެނެރަލްގެ އޮފީހުން މިއަދު ބުނެފައިވަނީ މި 7 މީހުންނަށް ދަޢުވާކުރުމާމެދު މާދަމާ ގޮތެއް ނިންމާނެ ކަމަށެވެ. މި މައްސަލައިގައި ހައްޔަރުކުރެވުނު 7 މީހުން މިހާރު ވަނީ ޝަރީޢަތް ނިމެންދެން ބަންދުގައި ބަހައްޓާފައެވެ.