ލަލީގާ: ފޯރިގަދަ ކުޅުމެއް ފެނިގެންދިޔަ މެޗުގެ ނަތީޖާ އެއްވަރު!

އެތުލެޓިކޯ މެޑްރިޑް އަދި ވިލަރިއަލް ބައްދަލު ކުރި މެޗު 2-2 ގެ ނަތީޖާއަކުން އެއްވަރު ވެއްޖެއެވެ.

ފުރަތަމަ ހާފުގައި ދެ ޓީމުގެ ފަރާތުންވެސް ފެނިގެންދިޔައީ ފޯރިގަދަ ކުޅުމެކެވެ. މެޗުގެ ފުރަތަމަ ގޯލު ޖަހައި ކުރި ހޯދީ ވިލަރިއަލްއިންނެވެ. ވިލަރިއަލްގެ ގޯލު ކާމިޔާބުކޮށްދިނީ ޑަންޖޫމާއެވެ. އޭގެ 2 މިނެޓު ފަހުން ލޮރެންޓޭގެ ރީތި ގޯލަކާއިއެކު އެތުލެޓިކޯއިން މެޗުގެ ނަތީޖާ ހަމަހަމަކުރިއެވެ.

މެޗުގެ 3 ވަނަ ގޯލަކީ ވިލަރިއަލް އިން ނެގި ހުރަހެއް އެތުލެޓިކޯގެ ކޯކޭ ގައިގަ ޖެހި ބައިކޮޅަށް ވަތް ގޯލެކެވެ. އެތުލެޓިކޯއިން ދެވަނަ ފަހަރަށް ނަތީޖާ ހަމަހަމަކުރީ ޓީމުގެ ފޯވާޑް ސޯލޮތް ބޮލުން ފޮނުވާލި ހަމަލާއިންނެވެ. ސޯލޮތް އަކީ މި ސީޒަނުގައި ވިލަރިއަލްއިން އެތްލެޓިކޯޑް މެޑްރިޑްއަށް ގުޅުނު ކުޅުންތެރިއެކެވެ. މެޗުގެ ހުރިހާ ގޯލެއްވެސް ފެނިގެންދިޔައީ ފުރަތަމަ ހާފުގައެވެ.

އެތްލެޓިކޯ މެޑްރިޑް އިންވަނީ މިފަހަރުގެ ލީގު ނެގުމަށް ތައްޔާރުވުމުގެ ގޮތުން ގިނަ ކުޅުންތެރިތަކެއްގެ ސޮއި ހޯދައިފައެވެ. ސޯލޮތްގެ އިތުރުން އާރޖެންޓީނާގެ ޒުވާން ފޯވާޑް ޖޫލިއަން އަލްވަރެޒް އަދި ސްޕެއިންގެ ޔޫރޯ2024 ނެގުމަށް މުހިއްމު ދައުރެއް އަދާކުރި ޑިފެންޑަރު ލެ ނޯރމަންޑްވެސް ވަނީ މި ސީޒަނުގައި އެތްލެޓިކޯ މެޑްރިޑްއަށް ސޮއިކޮށްފައެވެ.