އާބަން ޑިވެލޮޕްމަންޓް ބިލަށް އާންމުންގެ ޚިޔާލު ހޯދުމަށް ހުޅުވާލައިފި

ވަރަށް ގިނަ އަދަދެއްގެ ބިލުތަކެއްގެ މަސައްކަތް މިހާރުވެސް މަޖިލހުން ކުރަމުން އެބަގެންދޭ / ފޮޓޯ:މަޖިލިސް

ރައްޔިތުންގެ މަޖިލީހުން ނެރުނު އިޢުލާނެއްގައި އާބަން ޑިވެލޮޕްމަންޓް ބިލަށް އާންމުންގެ ޚިޔާލު ހުށަހެޅުމަށް ހުޅުވާލައިފިއެވެ.

މި ބިލަކީ ރައްޔިތުންގެ މަޖިލީހުގެ ތަރައްޤީއާއި ތަރިކައިގެ ކޮމިޓީއާއި ލާމަރުކަޒީ ކޮމިޓީގެ ޖޮއިންޓް ކޮމިޓީން ދިރާސާކުރަމުންދާ ބިލެކެވެ.

މި ބިލާ ގުޅޭގޮތުން އެއްވެސް ފަރާތެއްގެ ޚިޔާލެއް ނުވަތަ ކޮމެންޓެއް އޮތްނަމަ، ރައްޔިތުންގެ މަޖިލީހުގެ ކޮމިޓީގެ އީމެއިލް committee@majlis.gov.mv އަށް ނުވަތަ މަޖިލީހުގެ އިދާރާއަށް ލިޔުމުން ހުށަހެޅިދާނެއެވެ. ޚިޔާލު ހުށަހެޅުމުގެ ސުންގަޑިއަކީ 25 އޮގަސްޓު 2024 ވާ އާދީއްތަ ދުވަހުގެ 16:00 އެވެ.

އާބަން ޑިވެލޮޕްމަންޓް ބިލު ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާފައިވަނީ ވިލިނގިލި ދާއިރާގެ މެންބަރު ސައުޒަން އަޙްމަދު އަމީންއެވެ.

މި ބިލުގެ މައިގަނޑު މަޤްޞަދަކީ ދިވެހިރާއްޖޭގެ ބިނާވެށި ޕްލޭންކޮށް ހިންގުމާ ގުޅޭ ކަންކަން ހަރުދަނާ ޤާނޫނީ އޮނިގަނޑެއްގެ ދަށުން އިންތިޒާމުކުރުމެވެ. މީގެ ތެރޭގައި ދެމެހެއްޓެނިވި އަދި ޒިންމާދާރު ގޮތެއްގައި ބިމުގެ ބޭނުން ހިފުމާއި، ބިނާވެށި ޕްލޭންކޮށް ހިންގުމާއި، އެ ޕްލޭންތަކާ އެއްގޮތަށް ބިން ތަރައްޤީކޮށް ހިންގުމުގެ އަސާސީ މިންގަނޑުތައް ކަނޑައެޅުން ހިމެނެއެވެ. އަދި ތަރައްޤީގެ މަސައްކަތްތައް މޮނިޓަރކޮށް ފިޔަވަޅު އެޅުމާބެހޭ އުސޫލުތައްވެސް މި ބިލުގައި ބަޔާންކޮށްފައިވެއެވެ.

ރައްޔިތުންގެ މަޖިލިސް މަޖިލިސް