އޮފީސްތަކުގެ ވޮލީބޯޅަ މުބާރާތުގެ ތަށި އެޗްޑީސީން ދިފާއުކޮށްފި

ވޮލީބޯލް އެސޯސިއޭޝަން އޮފް މޯލްޑިވްސްގެ އިންތިޒާމުގައި ބޭއްވުނު އޮފީސް/ކޮމްޕެނީ ވޮލީބޯޅަ މުބާރާތުގެ ޗެމްޕިއަންކަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ދަމަހައްޓައިފިއެވެ. ފައިނަލްގައި އެޗްޑީސީން މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އާ ކުރިމަތިލައި، ވަރުގަދަ މުބާރާތެއްގެ ނިމުމުގައި 3-2 އިން ކާމިޔާބު ހޯދިއެވެ.

މި މުބާރާތް އެންމެ ފަހުން ބޭއްވުނީ ހަތަރު އަހަރުކުރިންނެވެ. އޭރުވެސް އެޗްޑީސީން ވަނީ ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) ބަލިކޮށް ޗެމްޕިއަންކަން ހޯދާފައެވެ.

ހުޅުމާލޭ ޕާކު ވޮލީކޯޓުގައި ކުޅުނު ފައިނަލް މެޗުގެ ސެޓުތައް ނިމުނީ މިގޮތަށެވެ:
- ފުރަތަމަ ސެޓު: އެޗްޑީސީ 25-16 އެމްއެންޑީއެފް
- ދެވަނަ ސެޓު: އެމްއެންޑީއެފް 25-18 އެޗްޑީސީ
- ތިންވަނަ ސެޓު: އެޗްޑީސީ 27-25 އެމްއެންޑީއެފް
- ހަތަރުވަނަ ސެޓު: އެމްއެންޑީއެފް 29-27 އެޗްޑީސީ
- ފަސްވަނަ ސެޓު: އެޗްޑީސީ 15-10 އެމްއެންޑީއެފް

ފައިނަލް މެޗުގެ އެންމެ މޮޅު ކުޅުންތެރިޔާގެ އިތުރުން މުޅި މުބާރާތުގެ އެންމެ މޮޅު ކުޅުންތެރިޔާގެ މަޤާމު ހޯދީ އެޗްޑީސީގެ އިސްމާއިލް ސާޖިދު (ކުޑަކާއްޓެ) އެވެ.

މުބާރާތުގެ ޑްރީމް ޓީމުގައި ހިމެނުނު ކުޅުންތެރިންނަކީ:
- ބެސްޓް އައުޓްސައިޑް އެޓޭކަރުން: އެޗްޑީސީގެ ކުޑަކާއްޓެ އަދި ވެމްކޯގެ އަލީ ހުޒާމް (ހުޒަންޓެ)
- ސެޓަރު: އެޗްޑީސީގެ އަލީ ނިމާލް
- މިޑްލް ބްލޮކަރުން: އެމްއެންޑީއެފްގެ ހުސެއިން ޔޫސުފް އަދި އެޗްޑީސީގެ މުހައްމަދު އަހުސަން
- އޮޕޮސިޓް ކުޅުންތެރިޔާ: އެމްއެންޑީއެފްގެ ހުސައިން ރަޒާން
- ލިބަރޯ: ޕޮލްކޯގެ މުހައްމަދު ނައީމް

މުބާރާއެންމެ މޮޅު ކޯޗަކީ، އެޗްޑީސީގެ ކޯޗު، ހުސެއިން ޝަރީފް (ނަލަ ހުސެން) އެވެ. މިފަހަރުގެ އޮފީސް މުބާރާތަށް ވެސް ގިނަ ޓީމުތަކެއްގެ ބޮޑު ތަރުހީބެއް ވަނީ ލިބިފައެވެ.