ފްލެޓް ގަތީ ފަސް އަހަރު ކުރިން ލޯނެއް ނަގައިގެން: ހަލީލް

ހެލްތު މިނިސްޓަރު ޑރ. އަބްދުﷲ ހަލީލް ރައްޔިތުންގެ މަޖިލީހަށް ހާޒިރުކުރައްވައި ސުވާލުކުރައްވަނީ.

ޞިއްޙީ ދާއިރާގެ ވަޒީރު އަބްދުﷲ ހަލީލް ވިދާޅުވެފައިވާ ގޮތުގައި، މީގެ ފަސް އަހަރު ކުރިން ލޯނެއް ނަންގަވައިގެން ހުޅުމާލެއިން ފްލެޓެއް ގަތުމަށް މަސައްކަތް ކުރެއްވިއެވެ. އެގޮތުން، ހުޅުމާލޭގެ އެފްޑަބްލިއު ރެސިޑެންސްގެ 3.1 މިލިއަން ރުފިޔާގެ ފްލެޓެއް ގަތުމަށް އެއްބަސްވެވަޑައިގަތެވެ.

ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ސިވިލް ކޯޓަށް ހުށަހެޅުމާ ގުޅިގެން، މި މަހުގެ 7 ވަނަ ދުވަހު ކުރެވުނު ޙުކުމުގައި ބަޔާންކޮށްފައިވަނީ، 1،235 އަކަފޫޓުގެ އެ ފްލެޓުގެ އަގު ހަލީލް ދައްކަވާފައިވާތީ، އެ ފްލެޓު އެމަނިކުފާނަށް މިލްކުވެފައިވާ ކަމަށެވެ.

މި ޚަބަރު މީޑިއާތަކުގައި ޝާއިޢުވުމާ ގުޅިގެން، ހަލީލް އިޖުތިމާޢީ މީޑިއާގައި ކުރެއްވި ޕޯސްޓެއްގައި ވިދާޅުވެފައިވަނީ، ފްލެޓު ގަތުމުގެ އެއްބަސްވުމުގައި ސޮއިކުރެއްވީ 2018 ވަނަ އަހަރުގެ އޮގަސްޓު މަހުގައި ކަމަށާއި، ފްލެޓު ގަތުމަށް އިތުރު ފައިނޭންސް ހޯއްދެވީ ބޭންކް އޮފް މޯލްޑިވްސްގެ އިސްލާމިކް ފެސިލިޓީއަކުން ކަމަށެވެ. އަދި އެ ފްލެޓަށް ދައްކަންޖެހޭ ފައިސާގެ ތެރެއިން މިހާތަނަށް 1.4 މިލިއަން ރުފިޔާ ނުދައްކާ ބާކީ އޮތް ކަމަށްވެސް އެ ޕޯސްޓުގައި ފާހަގަކުރައްވާފައިވެއެވެ.

ހަލީލަކީ ކުރީގައި ރައްޔިތުންގެ މަޖިލީހުގެ ނިލަންދޫ ދާއިރާގެ މެންބަރުކަން ކުރައްވާފައިވާ ބޭފުޅެކެވެ. މިހާރުގެ ސަރުކާރުގެ ވަޒީރެއްގެ މަޤާމަށް ޢައްޔަންކުރެއްވުމުގެ ކުރިން، އަމިއްލަ ވިޔަފާރީގައި ޙަރަކާތްތެރިވެ ވަޑައިގަންނަވަމުން ގެންދެވި ބޭފުޅެކެވެ.