މަސްތުވާތަކެތި ގެންގުޅެ ވިޔަފާރިކުރާކަމުގެ ތުޙުމަތުގައި ގައްދޫން މީހަކު ހައްޔަރުކޮށްފި

މަސްތުވާތަކެތި ބޭނުންކުރުމާއި ވިޔަފާރިކުރުމުގެ ތުހުމަތުގައި ގދ. ގައްދޫ ރައްޔިތެއް ދިވެހި ފުލުހުންގެ ޚިދުމަތުން ހައްޔަރުކޮށްފިއެވެ.

ފުލުހުންގެ ބަޔާނެއްގައި ވިދާޅުވިގޮތުގައި ހައްޔަރުކުރެވުނީ ގދ. ގައްދޫ / ފާހަގަ، އަލީ ނާސިރު (38 އަހަރު) އެވެ.

ކޯޓު އަމުރެއްގެ ދަށުން އަލީ ނާސިރު ހައްޔަރުކޮށް ބަލައި ފާސްކުރުމުގައި، މަސްތުވާތަކެތި ކަމަށް ޝައްކުކުރެވޭ އެއްޗެހި އޭނާގެ އަތުން ފެނިފައިވާކަމަށް ފުލުހުން މަޢުލޫމާތު ދެއްވިއެވެ. މި ތަކެތީގެ ވަގުތީ ބަރުދަނަކީ 96.45 ގްރާމް ކަމަށް ވެއެވެ.

މި މައްސަލައާ ގުޅިގެން، އަލީ ނާސިރުގެ ބަންދާމެދު ގޮތެއް ނިންމުމަށްޓަކައި ގައްދޫ މެޖިސްޓްރޭޓް ކޯޓަށް ހާޒިރުކުރެވުނެވެ. ކޯޓުން ނިންމެވީ 15 ދުވަހުގެ މުއްދަތަށް އޭނާ ބަންދުގައި ބެހެއްޓުމަށެވެ.

މި މައްސަލައިގެ ތަޙްޤީޤު ދިވެހި ފުލުހުންގެ ޚިދުމަތުން ކުރިއަށް ގެންދަވަމުންދާ ކަމަށް އެ ޚިދުމަތުން މަޢުލޫމާތު ދެއްވާފައިވެއެވެ.