ބީއެމްއެލްގެ "ބޭންކް ފަންޑް" އަށް އެދި ހުށަހެޅުމުގެ އިތުރު ފުރުސަތެއް ހުޅުވާލައިފި

ބޭންކު އޮފް މޯލްޑިވްސް

ބޭންކް އޮފް މޯލްޑިވްސް (ބީއެމްއެލް) އިން ތަޢާރަފުކޮށްފައިވާ "ބޭންކް ފަންޑް" އަށް އެދި ހުށަހެޅުމުގެ އިތުރު ފުރުސަތެއް ހުޅުވާލައިފިއެވެ.

މި ފަންޑަކީ ދެމެހެއްޓެނިވި ޕްރޮޖެކްޓްތަކަށް މާލީ އެހީތެރިކަން ފޯރުކޮށްދިނުމާއި ޖަމްޢިއްޔާތައް ބާރުވެރިކޮށް، މުޖުތަމަޢަށް އެހީވުމަށް އަމާޒުކޮށްގެން ތަޢާރަފުކޮށްފައިވާ ފަންޑެކެވެ.

ބީއެމްއެލްއިން މަޢުލޫމާތު ދެއްވާފައިވާ ގޮތުގައި މިފަހަރު ހުޅުވާލާފައިވާ ފުރުސަތުގެ މުއްދަތު ހަމަވާނީ މި މަހުގެ 8 ވާ އާދިއްތަ ދުވަހުގެ ހަވީރު 4:00 އަށެވެ. މި ފަންޑަށް ކުރިމަތިލުމުގެ ފުރުސަތު ދީފައިވަނީ ރާއްޖޭގައި ރަޖިސްޓްރީކޮށްގެން ހިންގާ ޖަމްޢިއްޔާ ޖަމާޢަތްތަކާއި ކްލަބްތަކަށެވެ.

ފަންޑަށް އެދި ހުށަހަޅާ ފަރާތްތަކުން ފޯމާއި ޕްރޮޕޯސަލް ހުށަހަޅަންޖެހޭނީ bankfund@bml.com.mv އަށް އީމެއިލް މެދުވެރިކޮށެވެ. ބީއެމްއެލްއިން ބުނާ ގޮތުގައި މި ފަންޑުގެ ދަށުން ތަޢުލީމާއި، ތިމާވެށްޓާއި، ކުޅިވަރާއި މުޖުތަމަޢަށް ފައިދާކުރާ ދާއިރާތަކުން 5 ޕްރޮޖެކްޓެއް ހޮވައި، ކޮންމެ ޕްރޮޖެކްޓެއް ހިންގުމަށް 200,000 ރުފިޔާގެ ހިލޭ އެހީ ދިނުމަށް ވަނީ ހަމަޖެހިފައެވެ.

މި ފަންޑުގެ މަޤްޞަދަކީ މުޖުތަމަޢުގެ ތަރައްޤީއަށް މަސައްކަތްކުރާ ޖަމްޢިއްޔާތަކާއި ކްލަބްތަކަށް އެހީތެރިވެ، އެފަރާތްތަކުން ހިންގާ މުހިންމު ޕްރޮޖެކްޓްތަކަށް މާލީ އެހީތެރިކަން ފޯރުކޮށްދިނުމެވެ. މިއީ ބީއެމްއެލްއިން މުޖުތަމަޢުގެ ލާބައާއި މަންފާއަށް ކުރާ މަސައްކަތްތަކުގެ ތެރެއިން އެއް މަސައްކަތެވެ.

ބޭންކް