ލަލީގާ: ފުރަތަމަ ކުޅުނު ގިނަ މެޗުތަކުން އެއްވަރު! ސެލްޓަ ވީގޯއަށް މޮޅެއް!

ލަލީ ގާގައި ކުޅެވުނު ފުރަތަމަ މެޗުގައި އެތްލެޓިކް ކްލަބް އަދި ގެޓާފޭ އެއް ވަރު ވެއްޖެއެވެ. މި މެޗުގައި ފުރަތަމަ ގޯލު ކާމިޔާބުކޮށްދިނީ އޮއިހާން ސަންސެޓްއެވެ. ދެވަނަ ހާފުގައި ގެޓާފޭގެ އުޗޭގެ ގޯލުން މެޗުގެ ނަތީޖާ ހަމަހަމަ ކުރިއެވެ.

ޖިރޯނާ އަދި ރިއަލް ބެޓިސް ބައްދަލު ކުރި މެޗުގައި ރިއަލް ބެޓިސް އިން ވަނީ މެޗުގެ ފުރަތަމަ ކޮޅުގައި ގޯލެއްޖަހައި ކުރި ހޯދައިފައެވެ. ނަަމަވެސް ޖިރޯނާ އިން ދެވަނަ ހާފުގައި ގޯލެއް ކާމިޔާބުކޮށް މެޗުގެ ނަތީޖާ އެއްވަރު ކުރިއެވެ. ނިމިދޔަ ސީޒަނުގައި ޖިރޯނާ އިން ލީގު ނިންމާލީ 3 ވަނައިގައެވެ.

ލަސް ޕަލްމަސް އިން ވަނީ ސެވިއްޔާ މޮޅުވިޔަ ނުދީ ހިފަހައްޓާލައިފައެވެ. ހަމަހަމަ ކުޅުމެއް ފެނުނު މެޗު ނިމުނީ 2-2 ގެ ނަތީޖާ އަކުން އެއްވަރު ވެގެނެވެ. މެޗުގައި ފެނުނު ފުރަތަމަ ދެ ގޯލަކީވެސް ބައިކޮޅަށް ވަތް ދެ ގޯލެވެ.

ސެލްޓަވީގޯ އަދި އަލާވެސް ކުޅުނު މެޗުގައި ސެލްޓަވީގޯއިން ފަހަތުން އަރައި ކުދި ހޯދައިފިއެވެ. މި މެޗުގައި ގާރސިއާ އަލަވެސް އަށް ކުރި ހޯދައިދިން ނަމަވެސް ސެލްޓަ ވީގޯއިން ދެވަނަ ހާފުގައި ދެ ގޯލު ކާމިޔާބުކޮށް 1-2 ގެ ނަތީޖާއަކުން މެޗު ކާމިޔާބުކުރިއެވެ.