އައިޖީއެމްއެޗްގެ ނަރުހަކާ ގުޅޭ މަސްތުވާތަކެތީގެ މައްސަލައެއް ފުލުހުން ތަޙުޤީޤުކުރަން ފަށައިފި

އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެ ދިވެހި ނަރުހަކާ ގުޅޭ މަސްތުވާތަކެތީގެ މައްސަލައެއް ފުލުހުން ތަޙުޤީޤުކުރަން ފަށައިފިއެވެ.

މޯލްޑިވްސް ޕޮލިސް ސަރވިސްއިން މިއަދު ހާމަކުރި ގޮތުގައި، ރާއްޖޭގެ އެންމެ ބޮޑު ހޮސްޕިޓަލްގެ އަންހެން ނަރުހަކާ ގުޅުން ހުރި މަސްތުވާތަކެތީގެ މައްސަލައެއް ފުލުހުން ތަޙުޤީޤުކުރަމުން އަންނަ ކަމަށެވެ. އަދި މި މައްސަލަ ފުލުހުންގެ ސަމާލުކަމަށް ގެނެސްފައިވަނީ އައިޖީއެމްއެޗުން ކަމަށްވެސް ފުލުހުން ބުނެފައިވެއެވެ.

ނަމަވެސް، މި މައްސަލައާ ގުޅޭ އިތުރު ތަފްސީލެއް ފުލުހުން މިހާތަނަށް ހާމަކޮށްފައެއް ނުވެއެވެ. އަދި މި މައްސަލައާ ގުޅިގެން މިވަގުތާ ހަމައަށް އެއްވެސް ފަރާތެއް ހައްޔަރުކޮށްފައިނުވާކަންވެސް ފުލުހުން ފާހަގަކޮށްފައިވެއެވެ.

މި މައްސަލައިގެ ތަޙުޤީޤު ކުރިއަށްދާ ގޮތާއި، އިތުރު މަޢުލޫމާތު ލިބުމުން އާންމުކުރާނެ ކަމަށް ފުލުހުން ބުނެފައިވެއެވެ. މިފަދަ މައްސަލަތަކުގެ ސަބަބުން ޞިއްޙީ ދާއިރާގެ އިތުބާރަށް އަސަރުކުރާނެކަމަށް ބެލެވޭއިރު، މި މައްސަލައާ ގުޅޭގޮތުން އައިޖީއެމްއެޗުން އަދި އެއްވެސް ބަޔާނެއް ނެރެފައެއް ނުވެއެވެ.