ޒިރްކްޒީ ގޯލު ޖެހުމަށްފަހު އުފާފާޅުކުރުމުގެ ތެރެއިން
އިނގިރޭސި ޕްރިމިއަރ ލީގު ފެށުމުގެ ގޮތުން ކުޅެވެނު މެޗުގައި މެންޗެސްޓަރ ޔުނައިޓެޑުން 0-1 ނަތީޖާއަކުން ފުލްހަމްގެ މައްޗަށް ކުރި ހޯދައިފިއެވެ. މި މެޗު ކުޅެވިފައިވަނީ އޯލްޑް ޓްރެފޯޑުގައެވެ.
ދެ ޓީމުގެ ފަރާތުންވެސް ހަމަހަމަ ކުޅުމެެއް ފެނިގެން ދިޔައިރު ޔުނައިޓެޑްއަށް ގޯލު ކާމިޔާބުކޮށްދީފައިވަނީ މެޗު ނިމެން ގާތްވެފައިވަނިކޮށް ގަރނާޗޯ ދިން ބޯޅައަކުން ބަދަލު ކުޅުންތެރިއެއްގެ ގޮތުގައި އެރުވި ޖޯޝުއާ ޒިރްކްޒީއެވެ. ޒިރްކްޒީއަކީ މި ސީޒަނުގައި ޔުނައިޓެޑަށް ގުޅުނު ކުޅުންތެރިއެކެވެ. މި މެޗުގެ މޮޅު ކުޅުންތެރިއެއްގެ ގޮތުގައި ހޮވިފައިވަނީ ޔުނައިޓެޑުގެ ގޯލު ކާމިޔާބުކޮށްދިން ޖޯޝުއާ ޒިރްކްޒީއެވެ.
މި ސީޒަންއަށް ތައްޔާރުވުމުގެ ގޮތުން ޔުނައިޓެޑުން އިން ވަނީ ޓްރާންސްފަރ މާރކެޓުގައި ޒިރްކްޒީގެ އިތުރުން 3 ޑިފެންޑަރުންގެ ސޮއި ހޯދައިފައެވެ. އެގޮތުން ބަޔާން މުނިކްއަށް ކުޅެމުން އަންނަ މެތާޔަސް ޑިލައިޓް އަކީ ފާހަގަކޮށްލެވޭ ކުޅުންތެރިއެކެވެ.
ކޮމެންޓް