އެމްބާޕޭ ނެތި ކުޅުނު ފުރަތަމަ މެޗުގައި ޕީއެސްޖީ ބޮޑު ސްކޯއަކުން މޮޅުވެއްޖެ

ޕީއެސްޖީގެ ކުޅުންތެރިން

ފްރާންސްގެ ޗެމްޕިއަން ޕެރިސް ސެއިންޓް-ޖަރމޭން (ޕީއެސްޖީ) އަށް އެ ޓީމުގެ ތަރި ކިލިއަން އެމްބާޕޭ ނެތި ކުޅުނު ފުރަތަމަ މެޗުގައި ބޮޑު ސްކޯއަކުން މޮޅުވެއްޖެއެވެ. ލީގު 1 ގެ ފުރަތަމަ މެޗުގައި ލެ ހާވްރެ އާ ދެކޮޅަށް ކުޅުނު މި މެޗުން ޕީއެސްޖީ ވަނީ 4-1 އިން މޮޅުވެފައެވެ.

ނޯމަންޑީގައި ކުޅުނު މި މެޗުގައި ޕީއެސްޖީ ކުރިއަރާފައިވަނީ މެޗު ފެށިގެން އެންމެ ތިން މިނެޓު ތެރޭގައި ލީ ކާންގް-އިން ޖެހި ގޯލުންނެވެ. ނަމަވެސް ދެވަނަ ހާފު ފެށުމާއިއެކު ގޯތިއަރ ލޯރިސް ވަނީ ލެ ހާވްރެ އަށް އެއްވަރު ކޮށްދީފައެވެ. މެޗުގެ ފަހު ބައިގައި އުސްމާން ޑެމްބެލޭ އާއި ބްރެޑްލީ ބާކޯލާ އަދި ރަންޑަލް ކޮލޯ މުއާނީގެ ޕެނަލްޓީ ގޯލުން ޕީއެސްޖީ އަށް ފަސޭހަ މޮޅެއް ހޯދައިދިނެވެ.

ޕީއެސްޖީ ގެ ރެކޯޑު ގޯލު ޖަހާ ކުޅުންތެރިޔާ އެމްބާޕޭ (244 ގޯލު) ވަނީ މި އަހަރުގެ ކުރީކޮޅު ރިއަލް މެޑްރިޑަށް ބަދަލުވެފައެވެ. އޭނާގެ ކޮންޓްރެކްޓް ހަމަވުމާ ގުޅިގެން ފަސް އަހަރުގެ އެއްބަސްވުމެއްގައި ސޮއިކޮށް ރިއަލް މެޑްރިޑަށް ބަދަލުވެފައިވަައިރު އެމްބާޕޭ ނެތި ކުޅުނު ފުރަތަމަ މެޗުގައި ޕީއެސްޖީ މި ބޮޑު މޮޅު ހޯދުމަކީ އެ ޓީމަށް ލިބުނު ބޮޑު ހިތްވަރެކެވެ.

ލެ ހާވްރެ ޕީއެސްޖީ ކިލިއަން އެމްބާޕޭ