ބެލްޖިއަމް ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ޑިޑިއޭ ވަންޑަހަސެލްޓް އެންވާރަމެންޓް މިނިސްޓަރު އަލީ ޝަރީފްގެ އަރިހަށް އިޙްތިރާމްގެ ޒިޔާރަތެއް ކުރައްވައިފިއެވެ.
އެންވާރަމެންޓް މިނިސްޓްރީން ބުނީ އެ ބައްދަލުކުރެއްވުމުގައި ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިކުރުމާ ގުޅޭގޮތުން ދެ ބޭފުޅުން ވަނީ ފުޅާ ދާއިރާއެއްގައި މަޝްވަރާ ކުރައްވާފައިވާކަމަށެވެ.
ދެ ޤައުމުގެ މަސްލަޙަތު ހިމެނޭ މުހިންމު ކަންކަމާ ގުޅޭގޮތުންނާއި، އެކި ދާއިރާތަކުން ދެޤައުމުގެ ދެމެދުގައި އޮތް ބައިލެޓަރަލް ކޯޕަރޭޝަން ނުވަތަ ދޭދޭ ގުޅުންތައް މިހާރަށްވުރެ ހަރުދަނާކޮށް ފުޅާކުރެވިދާނެ ގޮތްތަކާ ގުޅޭގޮތުން ވެސް އެ ބައްދަލުވުމުގައި މަޝްވަރާކުރެވިފައިވާކަމަށް ވެސް އެ މިނިސްޓްރީން ބުންޏެވެ.
ކޮމެންޓް