މަޝްހޫރު ޕްރޮޑަކްޝަން ހައުސް ޑާކް ރެއިން އިން މިއަހަރު ނެރޭ ދެވަނަ ފިލްމު "ޕްރޮޖެކްޓް 43" ގެ ޝޫޓިން ފަށައިފިއެވެ.
ޑާކްރެއިން އިން ބުނި ގޮތުގައި އެ ފިލްމަކީ އެ ޕްރޮޑަކްޝަން ހައުސްގެ 43 ވަނަ ފިލްމެވެ.
އެހެންކަމުން އެ ފިލްމުގެ ރަސްމީ ނަން އާންމުކުރުމުގެ ކުރިން އެ ފިލްމަށް ބޭނުންކުރާނީ ޕްރޮޖެކްޓް 43 ކަމަށް ޑާކްރެއިން އިން ބުނެއެވެ.
އެ ޕްރޮޑަކްޝަން ހައުސްއިން ބުނި ގޮތުގައި އެ ފިލްމު އޮލިމްޕަސް ސިނަމާގައި އެޅުވުމަށް ހަމަޖެހިފައިވަނީ ސެޕްޓެމްބަރު މަހުގެ 3 ވަނަ ދުވަހުގައެވެ.
ޑާކްރެއިން އިން ބުނީ ކުރިއަށް އޮތްތަނުގައި އެ ފިލްމާ ބެހޭ އިތުރު މައުލޫމާތު އަދި ކާސްޓުން ވެސް އިއުލާނުކުރާނެކަމަށެވެ.
އެ ފިލްމަކީ ކޮންކަހަލަ ފިލްމެއްކަމެއް ނޭންގުނު ނަމަވަސް ޑާކްރެއިންއިން ހަދާ ފިލްމުތަކަކީ ދިވެހިންގެ ތެރޭގައި ވަރަށް މަގުބޫލު އަދި ދިވެހިން އެ ފިލްމުތަކަކަށް ވަރަށް އިންތިޒާރުކުރާ ފިލްމުތަކެކެވެ.
އެހެންކަމުން ޕްރޮޖެކްޓް 43 އަކީ ވެސް ދިވެހިންނަށް ވަރަށް ކަމުދާނެ ފިލްމަކަށް ވާނެކަމަށް ބެލެވެއެވެ.
ކޮމެންޓް