އިހަވަން ފުޓްސަލް ޗެލެންޖް 2025: ތާރީޚު ތަކުރާރުވެ، ފައިނަލުގައި ބޮޑުމަގާއި އެންވީކޭގެ ވާދަވެރި ކުރިމަތިލުން!

ހއ. އިހަވަންދޫގައި މިހާރު ކުރިއަށްދާ އިހަވަން ފުޓްސަލް ޗެލެންޖް2025 ގެ ފައިނަލަށް ދަތުރުކޮށްފައިވަނީ، ބޮޑުމަގު އަދި އެންވީކޭއެވެ.

މިދެ ޓީމު ވެސް މި މުބާރާތުގައި މިހާތަނަށް ކުޅުނު ހުރިހާ މެޗަކުން މޮޅުވެ،ވަރުގަދަ ކުޅުމެއް ދައްކައިގެން ފައިނަލަށް ދަތުރުކޮށްފައިވާއިރު، މިއީނިމިގެންދިޔަ އަހަރުގެ ފައިނަލުގައި ބައްދަލުކުރި ދެ ޓީމުކަންފާހަގަކޮށްލެވެއެވެ.

މުބާރާތުގެ ސެމީ ފައިނަލްގައި އެންވީކޭ ނިކުތީ ޔުނައިޓެޑް ޔޫތާއިދެކޮޅަށެވެ. ވާދަވެރި ކުޅުމަކަށްފަހު މި މެޗު އެންވީކޭ ކާމިޔާބުކުރީ 6-2 ގެނަތީޖާއަކުންނެވެ. ސެމީ ފައިނަލްގެ ދެވަނަ މެޗުގައި ބައްދަލު ކުރީ ބޮޑުމަގު އަދި ޒުވާން ކުޅުންތެރިން ގިނަ ބޮޓަފޮގޯ ވައިޖީއާއެވެ. މި މެޗުބޮޑުމަގު  ފަސޭހަކަމާއެކު ކާމިޔާބުކޮށް ފައިނަލްގެ ޖާގަ ކަށަވަރުކުރީ 10-1 ގެ ނަތީޖާއަކުންނެވެ.

މި މުބާރާތުގައި ކުޅުނު ހުރިހާ މެޗަކުން ވެސް މި ދެ ޓީމުގެ ފެންވަރު ވަރަށްފުރިހަމައަށް ފެނިގެންދިޔައެވެ. ބޮޑުމަގު ޓީމުގެ ކެޕްޓަން އަޔާފާހަގަކުރިގޮތުގައި، ފައިނަލަށް ނިކުންނަނީ ހުރިހާ ގޮތަކުން ޓީމުތައްޔާރުވެގެންނެވެ.

އެންވީކޭ ޓީމުގެ ކެޕްޓަން ހާމިދު ފާހަގަކުރިގޮތުގައި، އެ ޓީމު މި މުބާރާތަށްނިކުތީ ތަށި އުފުލާލުމުގެ ޢަޒުމުގައެވެ. އަދި ފައިނަލް މެޗަށް މުޅި ޓީމުވަރަށް ފުރިހަމައަށް ތައްޔާރުވެފައިވާ ކަމަށް ހާމިދު ފާހަގަކުރިއެވެ.

މި ދެ ޓީމަކީވެސް މިދިޔަ އަހަރުގެ ފައިނަލް ކުޅުނު ދެ ޓީމު ކަމުން،މިއަހަރުގެ ފައިނަލް ވެސް ވަރަށް ވާދަވެރިކޮށް އަދި ފޯރިގަދަކޮށްކުރިއަށްދާނެކަމަށް ބެލެވެއެވެ. ފޯރި އާއި ޖޯޝާއެކު މި ދެޓީމުގެ ސަޕޯޓަރުން ވެސް ފައިނަލް މެޗަށް ދަނީ ތައްޔާރުވަމުންނެވެ. މި ދެޓީމް ބައްދަލުކުރާ ފައިނަލް މެޗް ކުޅޭނީ އޮގަސްޓް 2 ވާ ހޮނިހިރު ދުވަހުގެ ރޭ20:30 ގައި ހިންނަ ފުޓްސަލް ދަނޑުގައެވެ.