މާރަންދޫ ކައުންސިލް ކަޕް: ވޯލްވްސް އާއި އޯލް ޔުނައިޓެޑް މުބާރާތުގެ ފައިނަލަށް

މާރަންދޫ ކައުންސިލް ކަޕްގެ ސެމީފައިނަލްގެ ފުރަތަމަ މެޗްގައި ވޮލްވްސް އެފްސީ އަދި އިހާ ގޮނޑި ބައްދަލު ކުރި މެޗް 8 – 0 ގެ ނަތީޖާއަކުން ވޮލްވްސް އެފްސީން ކާމިޔާބު ކޮށްފިއެވެ.

ވޯލްވްސްގެ ގޯލްތައް އެ ޓީމަށް ކާމިޔާބު ކޮށްދިނީ ހުމައިދު ހުސައިން 4 ގޯލް، ޓީމްގެ ކެޕްޓަން މުބީން (މުއްކި) 1 ގޯލް، މުހަންމަދު ރަމީޒު 1 ގޯލް، ޝަމްހާން 1 ގޯލް އަދި ޝަނީމް 1 ގޯލްއެވެ. އިހާ ގޮނޑި ޓީމް އަށް ލަނޑު ޖަހާނެ ފުރުސަތު ތަކެއް ލިބުނު ނަމަވެސް ގޯލާ އަމާޒުކޮށް ފޮނުވާލި އެއްވެސް ހަމަލާއެއް ކާމިޔާބު ކުރެވިފައެއް ނުވެއެވެ.

މި މެޗްގެ މޮޅު ކުޅުންތެރިޔާގެ މަޤާމަށް ހޮވުނީ ވޮލްވްސް އެފްސީގެ ހުމައިދު ހުސެން އެވެ.

މުބާރާތުގެ ސެމީފައިނަލްގެ ދެވަނަ މެޗްގައި އޯލް ޔުނައިޓެޑް އަދި އެތްލެޓިކް ޔުނައިޓެޑް ބައްދަލު ކުރި މެޗް 2 – 1 ގެ ނަތީޖާއަކުން ކާމިޔާބު ކުރީ އޯލް ޔުނަޓެޑެވެ.

ފޯރިގަދަ ކުޅުމެއް ފެނިގެންދިޔަ މި މެޗްގައި މުބާރާތުގެ ފުރަތަމަ ރަތްކާޑުވެސް ވަނީ އެތްލެޓިކް ޔުނައިޓެޑްއިން ފެނިގެން ގޮސްފައެވެ. އޯލް ޔުނައިޓެޑް އިންއެޓީމްގެ ފުރަތަމަ ގޯލް ކާމިޔާބު ކޮށްދިނީ ޓީމްގެ މުޙަންމަދު އާދަމް އެވެ. އަދި އެ ލަނޑަށްފަހު ގިނަ އިރުތަކެއް ނުވަނީސް އެތްލެޓިކް ޔުނައިޓެޑްގެ ގޯލް އެ ޓީމަށް ކެޕްޓަން ޝާއިން ކާމިޔާބް ކޮށްދީ މެޗްގެ ނަތީޖާ ވަނީ ހަމަހަމަ ކޮށްދީފައެވެ.

އަދި ދެވަނަ ހާފްގައި ދެ ޓީމަށް ލަނޑުޖަހާނޭ ރަނގަޅު ފުރުސަތުތަކެއް ލިބުނު ނަމަވެސް މެޗް ނިމުމަކާއި ގާތްވެފައި ވަނިކޮށް ލިބުނު ހަނި ފުރުސަތެއްގައި އޯލް ޔުނައިޓެޑްގެ މުޙަންމަދު އަސްލަމް ވަނީ ދެވަނަ ގޯލް ކާމިޔާބުކޮށް މެޗްގެ ނަތީޖާ ބަދަލުކޮށްލާފައެވެ.

މި މެޗްގެ މޮޅު ކުޅުންތެރިޔާގެ މަޤާމަށް ހޮވުނީ އޯލް ޔުނައިޓެޑްގެ މުޙަންމަދު އަސްލަމް އެވެ.

މި މެޗް ޝަރަފުވެރިކޮށްދެއްވީ ޕާފެކްޓް މަލަފެހި މޯލްޑިވްސްގެ މެނޭޖިން ޑީރެކްޓަރ މުޙަންމަދު ހަސަންއެވެ.

މުބާރާތުގެ ފައިނަލް މެޗް އޮންނާނީ 1 އޮގަސްޓް ވާ ހުކުރު ދުވަހުގެ ހަވީރުއެވެ.