އިހަވަން ފުޓްސަލް ޗެލެންޖް 2025 ގެ ސެމީ ފައިނަލަށް ގުރޫޕް އޭގެ އެއްވަނައިގައި އެންވީކޭ އަދި ދެވަނައިގައި ބޮޓަފޮގޯ ދަތުރުކޮށްފާވާއިރު ގްރޫޕު ބީ ން ފަހުގެ ޗެމްޕިއަން ބޮޑުމަގު ވެސް ވަނީ ސެމީފައިނަލްގެ ޖާގައެއް ކަށަވަރު ކޮށްފައެވެ.
އަދި ސެމީގެ ފަހު ޖާގައަށް ވާދަ ކުރަނީ ކުޅިމަގު އަދި ޔުނައިޓެޑް ޔޫތެވެ.
ޔުނައިޓެޑް ޔޫތު އަދި ކުޅިމަގު މިހާތަނަށް ދެ މެޗު ކުޅުނުއިރު ދެ ޓީމުން ވެސް ވަނީ އެއް މެޗުން ބަލިވެ، އަނެއް މެޗުން މޮޅުވެފައެވެ. މިރޭ ގްރޫޕް ސްޓޭޖުގެ ފަހު މެޗުތައް ކުޅެވޭއިރު، ފުރަތަމަ މެޗުގައި ބައްދަލު ކުރާނީ ކުޅިމަގު އަދި ޔުނައިޓެޑް ޔޫތެވެ. ސެމީގެ ފަހު ޖާގަ ކަށަވަރުކުރާނީ ކޮން ޓީމެއްތޯ ކަނޑައެޅޭނީ މި މެޗުގެ ނަތީޖާގެ މައްޗަށް ބިނާކޮށެވެ.
އެގޮތުން މެޗުން އެއްވަރު ވެގެން ޔުނައިޓެޑް ޔޫތަށް ސެމީ ފައިނަލުން ޖާގަ ލިބޭއިރު ކުޅިމަގަށް ސެމީއަށް ދަތުރުކުރަން މި މެޗުން މޮޅުވާން މަޖުބޫރުވާނެއެވެ. ގްރޫޕު ސްޓޭޖުގެ އެންމެ ފަހު މެޗުގައި ބައްދަލު ކުރާނީ ބޮޑުމަގާއި މިސްކިތް މަގެވެ.
މި މުބާރާތުގެ ސެމީ ފައިނަލްގެ މެޗުތައް ކުޅެވިގެންދާނީ ޖުލައި 31 ވާ ބުރާސްފަތި ދުވަހުގެ ރެއެވެ. އަދި ފައިނަލް މެޗު ކުޅޭނީ އޮގަސްޓް މަހުގެ 2 ވާ ހޮނިހިރު ދުވަހުގައެވެ.
ކޮމެންޓް