މާރަންދޫ ކައުންސިލް ކަޕް: އޯލް ޔުނައިޓެޑް ސެމީ ފައިނަލަށް!

މާރަންދޫ ކައުންސިލް ކަޕްގެ އަށްވަނަ މެޗްގައި އޯލް ޔުނައިޓެޑް އަދި އެފްސީ އެކުވެރިން ބައްދަލުކުރި މެޗް 8-0 ގެ ނަތީޖާއަކުން އޯލް ޔުނައިޓެޑް ކާމިޔާބުކޮށްފިއެވެ.

މި މެޗްގައި އޯލް ޔުނައިޓެޑްގެ ކެޕްޓަން ހުސައިން އާދަމް ވަނީ އެ ޓީމަށް 3 ގޯލް ކާމިޔާބު ކޮށްދީފައެވެ. މީގެ އިތުރުން، އިމްރާން އާދަމް 1 ގޯލް، މުޙައްމަދު އާދަމް 1 ގޯލް، ލައިޒަން މައުސޫމް 1 ގޯލް އަދި އިހުސާން ޖަލީލު ވަނީ 2 ގޯލް ކާމިޔާބު ކޮށްދީފައެވެ.

އަދި މި ނަތީޖާއާއި އެކު އެފްސީ އެކުވެރިން ވަނީ މުބާރާތުން އަލްވަދާޢު ކިޔާފައެވެ.

މި މެޗްގެ މޮޅު ކުޅުންތެރިޔާގެ މަޤާމަށްވެސް ހޮވުނީ ކެޕްޓަން ހުސައިން އާދަމްއެވެ.

މި މެޗް ޝަރަފުވެރިކޮށްދެއްވީ މާރަންދޫ ކައުންސިލްގެ ފުރަތަމަ ދައުރުގެ ކައުންސިލް ނައިބު ރައީސް މުޙަންމަދު ޙަމީދުއެވެ.

މި މުބާރާތުގެ މެއިން ސްޕޮންސަރގެ ގޮތުގައި ހަމަޖައްސާފައިވަނީ އިހަވަންދޫ ދާއިރާގެ މެމްބަރު އަޙްމަދު ނަޞީރުގެ އިތުރުން، އެމްސިކްސް ގިފްޓެވެ.

މުބާރާތުގެ ޗެމްޕިއަން ޓީމަށް 5000 ރުފިޔާ ދިނުމަށް ހަމަޖެހިފައިވާއިރު، ރަނަރަޕް ޓީމަށް 2000 ރުފިޔާ ދިނުމަށް ވަނީ ނިންމާފައެވެ. މީގެ އިތުރުން، ފެއާރޕްލޭ ޓީމް، އެންމެ ގިނަ ގޯލްޖެހި ކުޅުންތެރިޔާ، މުބާރާތުގެ އެންމެ މޮޅު ފަސް ކުޅުންތެރިން، އެންމެ މޮޅު ކޯޗު، އެންމެ އުއްމީދީ ކުޅުންތެރިޔާގެ އިތުރުން، މުޅި މުބާރާތުގެ އެންމެ މޮޅު ކުޅުންތެރިޔާގެ މަޤާމު ހޮވުމަށްވެސް ހަމަޖެހިފައިވެއެވެ.

މި މުބާރާތުގެ އޮންލައިން ޕާޓްނަރަކީ ދެލި އޮންލައިންނެވެ.

މުބާރާތުގެ އެކިއެކި ސްޕޮންސަރުން:

ކިޓް ޕާޓްނަރ: ކިޓްކޯ

ޕްރިންޓިން ޕާޓްނަރ: ލޭޔަރ

ޑިޒައިން ޕާޓްނަރ: ލާނިމް ޑިޒައިން

ސިލްވަރ ސްޕޮންސަރ: ޔުނީކް ކާރވިންސްގެ / ޖޯޒީ

ޓްރެވެލް ޕާޓްނަރ: ސެންޓެކްސް / ސީ ކިންގްސް

އޮފިޝަލް ބޯލް ޕާޓްނަރ: ޖާރޒިއާ

ޑިޖިޓަލް ޕާޓްނަރ: ދިރާޖު

މީގެ އިތުރުންވެސް މި މުބާރާތް ހިންގުމަށް ތަފާތު އެކިއެކި ފަރާތްތަކުން ވަނީ އެހީތެރިކަން ފޯރުކޮށްދީފައެވެ.