ރާއްޖޭގެ ގައުމީ ޓީމަށް ގުޅުއްވާ ރައީސް ހިތްވަރު ދެއްވައިފި

ރާއްޖޭގެ ގައުމީ ޓީމް އުފާ ކުރަނީ --

ސްރީލަންކާގައި މިހާރު ކުރިއަށްދާ ''ސައުތު އޭޝިއަން ސުޕަ ކަޕް 2025'' ގައި ބައިވެރިވާ ރާއްޖޭގެ ގައުމީ ޓީމަށް ރައީސް ޑރ. މުހައްމަދު މުއިއްޒު ފޯނުން ގުޅުއްވާ މަރުހަބާ ވިދާޅުވެ ހިތްވަރުދެއްވައިފި އެވެ.

ރާއްޖޭގެ ގައުމީ ޓީމުގެ ކޯޗް މުހައްމަދު ޝިޔާޒު (މޯހަން) އަށް ރައީސް ޑރ. މުއިއްޒު މިއަދު ހެނދުނު ފޯނުން ގުޅުއްވާ މި މުބާރާތުގައި އިއްޔެ ކުޅުނު މެޗުން ގައުމީ ޓީމް ހޯދި ކާމިޔާބީއަށް މަރުހަބާ ވިދާޅުވި އެވެ. އަދި ކުރިއަށް އޮތް މެޗްތަކުގައި ކާމިޔާބީ ހޯދުމަށް ހިތްވަރާއިއެކު މަސައްކަތް ކުރުމަށް އެދިވަޑައިގެންނެވިއެވެ.

މީގެ އިތުރުން ފުޓްބޯޅައިގައި ދިވެހި ގައުމަށް ރަން ވަނަތަކެއް ހޯދައިދިނުމަށް ގައުމީ ޖޯޝާއިއެކު މަސައްކަތް ކުރުމަށް ރައީސް އެދިވަޑައިގެނެނެވި އެވެ.

ރާއްޖޭގެ ގައުމީ ޓީމުގެ ކޯޗް މުހައްމަދު ޝިޔާޒު (މޯހަން) ބުނީ ރައީސް ޑރ. މުއިއްޒު ޓީމަށް ގުޅުއްވާ މަރުހަބާ ވިދާޅުވުމަކީ ޓީމަށް ލިބުނު އިތުރު އުފަލަކާ ހިތްވަރެއް ކަމަށެވެ.

އަދި ރައީސް އެދިވަޑައިގެންނެވި ގޮތަށް ދިވެހި ފުޓްބޯޅައަށާއި ރައްޔިތުންނަށް ޓަކައި ފުޓްބޯޅައަށް ރީތިނަން ހޯދައިދިނުމަށް ކުރިއަށް އޮތް މެޗްގައި އިތުރަށް ހިތްވަރުކޮށް، ޓީމްގެ އުއްމީދަކީ ތަށި ކާމިޔާބު ކުރުން ކަމަށް ވެސް ކޯޗް މޯހަން ބުންޏެވެ.

ކުރިން ރާއްޖޭގައި އޮންނަ ފުޓްބޯޅައިގެ ފޯރި އަލުން ގެނެސް، ފުޓްބޯޅަ ކުރިއަރުވާ ތަރައްގީކޮށް އަލާ ކުރުމަށް ސަރުކާރުން ދަނީ މަސައްކަތް ކުރައްވަމުންނެވެ. މީގެ އިތުރުން މާލެއާއި އަތޮޅުތަކުގައި ކުޅިވަރު ތަރައްގީ ކުރުމަށް ތަފާތު ވަސީލަތްތައް ސަރުކާރުން ދަނީ ގާއިމުކުރަމުންނެވެ.

ރައީސް ޑރ މުޢިއްޒު