ރާއްޖޭގެ މެޑިކަލް ޓީމެއް ޗައިނާގެ ސިއްހީ ހިދުމަތްދޭ ތަންތަނަށް ޒިޔާރަތްކޮށްފި

ރާއްޖޭ މެޑިކަލް ޓީމެއް ޗައިނާގެ ސިއްހީ ހިދުމަތް ދޭ ތަންތަނަށް ޒިޔާރަތްކުރުން --

އައިޖީއެމްއެޗް، އެޗްއެމްއެޗް، އޭޑީކޭ އަދި އޭއީއެޗް ތަމްސީލުކުރާ ރާއްޖޭ މެޑިކަލް ޓީމެއް ޗެންގްޑޫގެ ވެސްޓް ޗައިނާ ސެކަންޑް ޔުނިވާސިޓީ ހޮސްޕިޓަލް ސީއެން އަށް ޒިޔާރަތްކޮށްފި އެވެ.

މިދިޔަ ހަފްތާގައި ކުރި މި ޒިޔާރަތާ ގުޅޭގޮތުން ހެލްތް މިނިސްޓްރީން ބުނީ އެ މެޑިކަލް ޓީމުން އޮބްސްޓެޓްރިކްސް އެންޑް ގައިނެކޮލޮޖީ، ޕީޑިއަޓްރިކްސް އެންޑް މެޑިކަލް ސިމިއުލޭޝަން ލެބްސް ތަހުގީގުކޮށް، ކްލިނިކަލް އެންޑް އެކަޑަމިކް ތަމްރީންތައް ފުރިހަމަކުރި ކަމަށެވެ.

ސިއްހީ ދާއިރާގެ ޕްރޮފެސަރުންނާއި ސީނިއާ ކްލިނިޝަނުންނާ ބައްދަލުކޮށް، ކްލިނިކަލް ވޯކްފްލޯސް، އެކަޑަމިކް ޕްރެކްޓިސްސް އަދި ޑިޕާޓްމަންޓް ސްޓްރަކްޗާ އާއި އެންމެ ޒަމާނީ ރޮބޮޓިކް ގައިނެކޮލޮޖިކަލް ސާޖަރީ އޮބްޒާވްކޮށްފައިވާ ކަމަށް ވެސް މިނިސްޓްރީން ބުންޏެވެ.

ހެލްތް މިނިސްޓްރީން ބުނީ ޕީޑިއަޓްރިކްސް ޓީމުން ވެސް ވަނީ ސައުތުވެސްޓާން ޗައިނާގެ ނޭޝަނަލް މެޑިކަލް ރީޖަނަލް ސެންޓާ ފޯ ޗިލްޑްރަންސް އަށް ޒިޔާރަތްކޮށް، ނިއުރޯޑިވެލޮޕްމަންޓް، ހެމަޓޮލޮޖީ، އޮންކޮލޮޖީ، ޕަލްމޮނޮލޮޖީ، އެންޑޮކްރިނޮލޮޖީ، ނިއޯނެޓޮލޮޖީ އެންޑް ޕީޑިއަޓްރިކް ކާޑިއޮލޮޖީގެ ހިދުމަތްތަކުން ތަމްރީން ހޯދާފައިވާ ކަމަށެވެ.

އަދި މެޑިކަލް ސިމިއުލޭޝަން ލެބޯޓްރީސް އަށް ޒިޔާރަތްކޮށް އެޑްވާންސް ހައި-ފިޑެލިޓީ ސިމިއުލޭޝަން ޓެކްނޮލޮޖީ ބޭނުން ކޮށްގެން ތަމްރީނުތަކުގައި ބައިވެރިވެ، ނޮލެޖް އެކްސްޗޭންޖް ވެސް ކޮށްފައިވާ ކަމަށް ހެލްތް މިނިސްޓްރީން ބުނެ އެވެ.

މިނިސްޓްރީ އޮފް ހެލްތް