މާފަރު އެއާރޕޯޓްގެ އޭޕްރަން ދެގުނަ ބޮޑު ކުރަނީ
—
މާފަރު އިންޓަރނޭޝަނަލް އެއާރޕޯޓްގެ އޭޕްރަން މިހާރަށްވުރެ ދެގުނަ ބޮޑުކުރަން އެމްޓީސީސީއާ ހަވާލުކޮށްފިއެވެ.
މި އެއްބަސްވުމުގައި އައިލެންޑް އޭވިއޭޝަންގެ ފަރާތުން ސޮއިކުރެއްވީ މެނޭޖިން ޑިރެކްޓަރ އިޔާސްއެވެ. އެމްޓީސީސީގެ ފަރާތުން ސޮއި ކުރެއްވީ ސީއީއޯ ޒިޔާދުއެވެ.
6 މަސް ދުވަހުގެ ތެރޭގައި ނިންމުމަށް ހަވާލުކުރި މި މަސައްކަތް ނިމިގެންދިއުމުން ޖުމްލަ 26 ޖެޓް އޭޕްރަންގައި ޕާކް ކުރެވޭނެއެވެ. މިހާރު ޕާކް ކުރެވެނީ 13 ޖެޓެވެ.
މާފަރު އެއަރޕޯޓު ތަރައްޤީކުރުމުގެ މަޝްރޫޢުއަށް ޖުމުލަ 60 މިލިއަން ޑޮލަރު ޚަރަދުވިއެވެ. މިއީ އަބޫދާބީ ހިލޭ އެހީގެ ދަށުން ހިންގި މަޝްރޫޢުއެކެވެ. އެއަރޕޯޓު ތަރައްޤީކޮށްފައިވަނީ، އެންމެ ބޮޑެތި މަތިންދާ ބޯޓުތައް ކަމަށްވާ އެއަރ ބަސް އޭ 320 އާއި، ބޮއިން 737 މަރުކާގެ ބޯޓު ފަހަރު ޖެއްސޭ ފެންވަރަށެވެ.
ކޮމެންޓް