3 ޝެއިޙުންނާއި އެކު ރޫޙާނީ ބަލިތަކާ އޭގެ ފަރުވާ އާއި ބެހޭ ޙާއްސަ ދަރުސްއެއް މިރޭ ލަންދޫގައި ބާއްވަނީ

3 ޝެއިޙުން ބައިވެރި ވާ ޙާއްސަ ދީނީ ދަރުޙެއް މިރޭ ލަންދޫ ބަނދަރު ސަރަޙައްދުގައި އޮންނާނެ އެވެ.

ލަންދޫ މުޢައްސަސާތައް ގުޅިގެން ބާއްވާ މި ދަރުހުގެ އިސް ޝެއިޙް އަކީ ޢައްޝެއިޙް ޙާލިދު ބުން އިބްރާހިމް އަލް ޙިބްޝީ އެވެ.

ޢައްޝެއިޙް ޙާލިދު ބުން އިބްރާހިމް އަލް ޙިބްޝީ އަކީ ޝަރުޢީ ރުޤިޔާ އިން ދުނިޔޭގެ ފެންވަރުގެ ރާޤީ އެއް ކަމަށް ޢައްޝެއިޙް މުހައްމަދު ތޯޙާ ވިދާޅުވިއެވެ.

ދަރުސް ބާއްވާ މަގުސަދަކީ ސިހުރު އަދި ރޫޙާނީ ކަންތައްތަކުގެ ކަންބޮޑުވުމަށް ހައްލު ހޯދައިދިނުމަށް ކަމަށް ލަންދޫ ކައުންސިލް ހިންގުމާއި މިވަގުތު ހަވާލުވެ ހުންނެވި ކައުންސިލް މެމްބަރު ޢާރިފް ވިދާޅުވިއެވެ.

އިނގިރޭސި ވިލާތުގައި ހުންނަ އަލް ރުޤިޔާ އިންޓަނޭޝަނަލް އެކަޑަމީ އަކީ ޢައްޝެއިޙް ޙާލިދު ބުން އިބްރާހިމް އަލް ޙިބްޝީގެ އަމިއްލަ ޔުނިވާސިޓީ އެކެވެ.

ޢައްޝެއިޙް ޙާލިދު ބުން އިބްރާހިމް އަލް ޙިބްޝީ ދަރުސް ދެއްވަމުން ދާއިރު ތަރުޖަމާ ކިޔައިދެމުން ދާނީ ޢައްޝެއިޙް މުޙައްމަދު ތޯޙާ އެވެ.

ޝަރުޢީ ރުޤިޔާ އާ ބެހޭގޮތުން އުފެދޭ ކޮންމެ ސުވާލަކަށް ވެސް ޝެއިޙް ޖަވާބު ދެއްވާނެ އެވެ.

ދަރުސް ފެށުމަށް ހަމަޖެހިފައިވާ ގަޑި އަކީ މިރޭގެ 20:30 އެވެ.