ފިލްމު ޕްރޮޑިއުސަރުންވެސް ވެރިކަން ކޮށްފި، ކޮޕީރައިޓްސް ޤާނޫނަަށް ގެނެވުނު އިސްލާޙެއް ނެތް - ޙުސްނީ

ދިވެހި ޒުވާނުންގެ ފަންނުވެރިކަން ކުރިއެރުވުމުގެ ބަދަލުގައިި މިދިޔަ ސަރުކާރުން ކުރިހާވެސް ކަމަކީ އެ ފުރުޞަތުތައް ބަންްދުކޮށް ކުޑަ މުސާރައެއްގައި ޒުވާނުން ކަސްތޮޅު އެޅުވުން ކަަމަށް މަނަދޫ ދާއިރާގެ މެމްބަރު ޙުސްނީ ވިދާޅުވެއްޖެއެވެ.

ހުސްނީ މިހެން ވިދާޅުވީ ކޮޕީރައިޓްސްގެ ޤާނޫނަށް ހުށަހަޅާފައިވާ އިސްލާޙުތަކާ ގުޅޭގޮތުން މިއަދުގެ މަޖިލީހުގައި ވާހަކަފުޅު ދައްކަވަމުންނެެވެ.

ފިލްމު ޕްރޮޑިއުސަރުންވެސް ވެރިކަން ކޮށްފަ ގޮސްފި. އަޅުގަނޑުމެން އުއްމީދު ކުރީ ފަންނުވެރިންގެ ފަންނުތައް ކުރިއެރުވުމަށް މަސައްކަތްތަކެއް ކުރާނެ ކަަމަށް . ޤާނޫނީ ބާރުވެރިކަން ހޯދަދޭނެކަމަށް. އެހެން ނަމަވެސް އަޅުގަނޑުމެންނަށް ފެންނަމުން ދިޔައީ އެ މަންޒަރެއް ނޫން - ޙުސްނީ ވިދާޅުވިއެވެ.

ރާއްޖޭގެ އުފެއްދުންތެރިއެއްގެ ހައްޤަށް ބޭރު ޤައުމެއްގެ ފަރާތެއް އަރައިިގަންނަ ޙާލަތުގައިި އެތަނުގެ ޤާނޫނުގެެ ތެރެއިން އެ ކަމެއްގެ ބަދަލު ހޯދޭނެ ގޮތެއް އޮތުން މުޙިއްމުކަމަށްވެސް ޙުސްނީ ވިދާޅުވިއެވެ.

ހިމާޔަތްކޮށްދީފަައިވާ އެއްވެސް ހައްޤަކަށް އަރައިިގެންފި ޙާލަތެއްގައި އެ ހައްޤުގެ ވެރިފަރާތަށް އޭގެ ބަދަލު ހޯދުމުގައިި މީގެ ކުރިން ބަދަލު ނަގައިިދެމުންް ދިޔަ ގޮތަށް އިސްލާޙުތަކެއް އެބަ އޮތް ހުށަހެޅިފައި - ޙުސްނީ ވިދާޅުވިއެވެ.