މާރަންދޫ ކައުންސިލް ކަޕް: މިއަދުގެ މެޗަށް އެފްސީ ރިކަވަރ ނިކުތީ ފިސާރި ގަދަކޮށް!

މާރަންދޫ ކައުންސިލް ކަޕްގެ ހަވަނަ މެޗްގައި އެފްސީ ރިކަވަރ އަދި އެފްސީ އެކުވެރިން ބައްދަލުކުރި މެޗް 7-1 ގެ ނަތީޖާއަކުން އެފްސީ ރިކަވަރ އިން ކާމިޔާބު ކޮށްފިއެވެ.

ފޯރިގަދަ ކުޅުމެއް ފެނުނު މި މެޗްގައި އެފްސީ ރިކަވަރ އިން ޖެހި ލަނޑު އެ ޓީމަށް ކާމިޔާބު ކޮށްދިނީ;

• އަޙްމަދު ސާފިއު 1 ގޯލް

• މުޙަންމަދު ނަޒީން ހުސައިން 2 ގޯލް

• ހަސަން ރިލްވާން 2 ގޯލް

• އަބްދުﷲ މުޙަންމަދު 1 ގޯލް

• އިލްހާމް އަހްމަދު 1 ގޯލް

އެފްސީ އެކުވެރިން ޓީމްއިން ޖެހި ހަމައެކަނި ލަނޑު އެ ޓީމަށް ކާމިޔާބު ކޮށްދިނީ އެ ޓީމްގެ ކެޕްޓަން އަފްރާޙް ހަސަންއެވެ.

މި މެޗްގެ މޮޅު ކުޅުންތެރިޔާގެ މަޤާމަށް ހޮވުނީ އެފްސީ ރިކަވަރ ގެ ޖާރޒީ ނަންބަރ 19 އަހްމަދު ރިލްވާން އެވެ.

އެފްސީ ރިކަވަރ މާދަމާ މެޗްގައި ބައްދަލު ކުރާނީ ވޯލްވްސް އެފްސީ އާއި ގްރޫޕް ސްޓޭޖްގެ ފަހު މެޗްގައެވެ. އަދި އެފްސީ އެކުވެރިން ބައްދަލު ކުރާނީ އޯލް ޔުނައިޓެޑްއާއެވެ.

މި މެޗް ޝަރަފުވެރިކޮށްދެއްވީ މާރަންދޫ ކައުންސިލް މެމްބަރ ހުސައިން އާދަމްއެވެ.

މި މުބާރާތުގެ މެއިން ސްޕޮންސަރގެ ގޮތުގައި ހަމަޖައްސާފައިވަނީ އިހަވަންދޫ ދާއިރާގެ މެމްބަރު އަޙްމަދު ނަޞީރުގެ އިތުރުން، އެމްސިކްސް ގިފްޓެވެ.

މުބާރާތުގެ ޗެމްޕިއަން ޓީމަށް 5000 ރުފިޔާ ދިނުމަށް ހަމަޖެހިފައިވާއިރު، ރަނަރަޕް ޓީމަށް 2000 ރުފިޔާ ދިނުމަށް ވަނީ ނިންމާފައެވެ. މީގެ އިތުރުން، ފެއާރޕްލޭ ޓީމް، އެންމެ ގިނަ ގޯލްޖެހި ކުޅުންތެރިޔާ، މުބާރާތުގެ އެންމެ މޮޅު ފަސް ކުޅުންތެރިން، އެންމެ މޮޅު ކޯޗު، އެންމެ އުއްމީދީ ކުޅުންތެރިޔާގެ އިތުރުން، މުޅި މުބާރާތުގެ އެންމެ މޮޅު ކުޅުންތެރިޔާގެ މަޤާމު ހޮވުމަށްވެސް ހަމަޖެހިފައިވެއެވެ.

މި މުބާރާތުގެ އޮންލައިން ޕާޓްނަރަކީ ދެލި އޮންލައިންނެވެ.

މުބާރާތުގެ އެކިއެކި ސްޕޮންސަރުން:

ކިޓް ޕާޓްނަރ: ކިޓްކޯ

ޕްރިންޓިން ޕާޓްނަރ: ލޭޔަރ

ޑިޒައިން ޕާޓްނަރ: ލާނިމް ޑިޒައިން

ސިލްވަރ ސްޕޮންސަރ: ޔުނީކް ކާރވިންސްގެ / ޖޯޒީ

ޓްރެވެލް ޕާޓްނަރ: ސެންޓެކްސް / ސީ ކިންގްސް

އޮފިޝަލް ބޯލް ޕާޓްނަރ: ޖާރޒިއާ

ޑިޖިޓަލް ޕާޓްނަރ: ދިރާޖު

މީގެ އިތުރުންވެސް މި މުބާރާތް ހިންގުމަށް ތަފާތު އެކިއެކި ފަރާތްތަކުން ވަނީ އެހީތެރިކަން ފޯރުކޮށްދީފައެވެ.