ޞިއްހީ ޚިދުމަތުގެ ޤާނޫނަށް މި ސަރުކާރުން ހުށަހަޅާފައިވާ އިސްލާޙަކީ ވަރަށް މުޙިއްމު އިސްލާޙެއް ކަމަށާއި، އެކަމުން އެނގިގެން ދަނީ މި ސަރުކާރުން ޞިއްޙީ ޚިދުމަތްތަކަށް ދެއްވާ އަޙައްމިއްޔަތުކަން ކަމަށް މަނަދޫ ދާއިރާގެ ޢިއްޒަތްތެރި މެމްބަރ ޙުސްނީ މުބާރިކް ވިދާޅުވެއްޖެއެވެ.

ކޮވިޑްގެ ތެރޭގައި އަޅުގަނޑުމެންނަށް ފެނިގެން ދިޔައީ އެކަން މެނޭޖް ކުރުމުގައި ޑިރެކްޓަރ ޖެނެރަލް އޮފް ހެލްތް ސާރވިސްއަށް ލިބެން ޖެހޭ ޤާނޫނީ ބާރުތައް ނުލިބި ސިޔާސީ ބަޔަކު އޭގެތެރެއަށް ވަދެގެން ނާޖައިޒް ގޮތެއްގައި ކަންތައްތަކެއް ހާސިލް ކުރަމުން ދިޔަތަން. ރައްޔިތުންނަށް ލިބެން ޖެހޭ އަސާސީ ޚިދުމަތްތައް ލިބިދިނުމަށް ހުރަސް އެޅިގެންދާ ތަން - އިއްޔެގެ ޖަލްސާގައި ވާހަކަފުޅު ދައްކަވަމުން ޙުސްނީ ވިދާޅުވިއެވެ.

މީގެ އިތުރުން ޙުސްނީ ވިދާޅުވީ، ޑިރެކްޓަރ ޖެނެރަލްއަށް ލިބިދޭންޖެހޭ ޤާނޫނީ ބާރު ލިބިދީފައިނުވުމުގެ ސަބަބުން އެތައް ގޮންޖެހުންތަކެއް ދިމާވިކަން ކޮވިޑްގެ ޢާލަމީ ވަބާގެ ތެރޭގައި ފެނިގެން ދިޔަ ކަމަށާއި، އެކަންކަން ހައްލު ކުރެވޭނީ ޤާނޫނުގައި އެ ފަރާތުގެ މަސްޢޫލިއްޔަތުތަކާއި ޒިންމާތައް ސާފުކޮށް ބަޔާންކޮށްގެން ކަމަށެވެ.

ޕްރިވެންޓިންގ ހެލްތް ކެއާރގެ ކަންކަން ވަރަށް ރަނގަޅަށް ތަރުތީބު ކުރެވިފައިވާތަން މި އިސްލާހުން އަޅުގަނޑުމެންނަށް އެބަ ފެނޭ. ޕްރިވެންޓިންގ ހެލްތް ކެއާރގެ ނިޒާމު ރާއްޖޭގައި އޮތް މިންވަރަކީ ހަމައެކަނި ހެލްތް ސެންޓަރުތަކުގައި ދަމާލެވޭ ބެނާރއެއް އަޅުގަނޑުމެންނަށް ފެންނަން މި އިންނަނީ. މި މިންވަރަށް ހުއްޓާލާފައި އޮތީ. ބަލި ޖެހުމުގެ ކުރިން ރައްކާތެރިވުމަށްޓަކައި ކަންކަން ތަރުތީބު ކުރަންވީ ގޮތްތަކެއް ބަޔާންކޮށްފައި އެކަމަށް މަސައްކަތް ކޮށްފައެއް ނެތް - ޙުސްނީ ވިދާޅުވިއެވެ.