ޒަރީރުގެ ނަޞޭޙަތެއް ޔާމީނަށް: :އަވަހަށް ރައީސް މުޢިއްޒުއާ ގުޅިވަޑައިގަންނަވާ"

ރައީސް ޔާމީނަށް އެންމެ ފައިދާވާނީ ރައީސް ޑރ. މުއިއްޒުއާ ގުޅިވަޑައިގެން ކަމަށް ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރް ވިދާޅުވެއްޖެއެވެ.

"އަސްލު ޓީވީ" ގެ ބާބު ޕްރޮގްރާމްގައި ވާހަކަ ދައްކަވަމުން ޒަރީރު ވިދާޅުވީ، ރައީސް ޔާމިނަކީ އިގްތިސާދީ ގޮތުން ރާއްޖެއަށް ގިނަ ހިދުމަތްތަކެއް ކޮށްދެއްވާފައިވާ ބޭފުޅެއް ކަމަށާއި މިއަދު ރައްޔިތުންނަށް ރައީސް ޔާމިންގެ ކިބައިން ފެންނަމުންދަނީ ވަރަށް ގޯސް މިސާލެއް ކަމަށެވެ.

ރައީސް ޑރ މުއިއްޒު ވެރިކަމަށް ވަޑައިގަތީ ރާއްޖޭގެ ފަހުގެ ތާރީހުގައި އެންމެ ބޮޑު ޕަސެންޓޭޖަކާ އެކު ކަމަށާއި މިހާތަނަށް ރާއްޖޭގައި 75 މެމްބަރުން ހަމަވި ޕާޓިއެއް ޕީއެންސީ ފިޔަވާ ނެތްކަމަށްވެސް ޒަރީރު ވިދާޅުވިއެވެ.

ރާއްޖޭގައި ސިޔާސީ ޕާޓީތަކުގެ ތެރެއިން އެންމެ ފުރަތަމަ އެއްލައްކަ މެންބަރުން ހަމަކުރާ ޕާޓީއަކަށް ޕީއެންސީ ވާނެއެވެ.

ގައުމުގެ ގިނަ ރައްޔިތުން ތިބީ ރައީސް ޑރ. މުއިއްޒު އާއި އެކުގައި ކަމަށާއި ނިމިދިޔަ ދެ އިންތިހާބުން އެކަން ފެނިގެން ގޮސްފައިވާކަން ފާހަގަކުރެއްވިއެވެ.

"ޕާޓީއަށް 97،000 ފޯމު ލިބިފައި އެބަހުރި. އެތޭރޭގެ ދަފްތަރު ކުރެވިފައި އެބަވޭ 75،000 އަށް ވުރެ ގިނަ މެންބަރުން. އިލެކްޝަންސް ކޮމިޝަންގެ ޕްރޮސެސް ތެރެއިން އިތުރުވަމުންދަނީ ހަފްތާއަކުން ހަފްތާއަކުން. ކުރިއަށް އޮތް ދުވަސްތަކުގެ ތެރޭގައި 100،000 މެންބަރުންނާއެކު ހަރަކާތްތެރިވާ ފުރަތަމަ ސިޔާސީ ޕާޓީއަށް ޕީއެންސީ ވާނެ." ސަރުކާރު ހިންގާ މައި ޕާޓީ ޕީއެންސީން ވަނީ ވިދާޅުވެފައެވެ.

ޙަސަން ޒަރީރު