ރައީސް ޑރ މުޢިއްޒަކީ އެންމެ ތާޢީދު ބޮޑު ރައީސް - ޒަރީރު

—-

ރައީސް ޑރ މުއިއްޒު ވެރިކަމަށް ވަޑައިގަތީ ރާއްޖޭގެ ފަހުގެ ތާރީހުގައި އެންމެ ބޮޑު ޕަސެންޓޭޖަކާ އެކު ކަމަށާއި މިހާތަނަށް ރާއްޖޭގައި 75 މެމްބަރުން ހަމަވި ޕާޓިއެއް ޕީއެންސީ ފިޔަވާ ނެތްކަމަށް ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރް ވިދާޅުވެއްޖެއެވެ.

މެމްބަރު ޒަރީރު މިފަދައިން ވިދާޅުވީ ގާނޫނު އަސާސީއަށް ގެނައި އިސްލާހުތަކާ ގުޅޭގޮތުން "އަސްލު ޓީވީ" ބާބު ޕްރޮގްރާމްގައި ވާހަކަ ދައްކަވަމުންނެވެ.

ރާއްޖޭގައި ސިޔާސީ ޕާޓީތަކުގެ ތެރެއިން އެންމެ ފުރަތަމަ އެއްލައްކަ މެންބަރުން ހަމަކުރާ ޕާޓީއަކަށް ޕީއެންސީ ވާނެކަމަށް އެޕާޓީގެ ޗެއަރޕާސަން ޢަބްދުއްރަޙީމް ޢަބްދުﷲ ވަނީ ވިދާޅުވެފައެވެ

ގައުމުގެ ގިނަ ރައްޔިތުން ތިބީ ރައީސް ޑރ. މުއިއްޒު އާއި އެކުގައި ކަމަށާއި ނިމިދިޔަ ދެ އިންތިހާބުން އެކަން ފެނިގެން ގޮސްފައިވާކަން ރޭގެ ޕްރޮގްރާމްގައި ޒަރީރު ފާހަގަކުރެއްވިއެވެ. ރިޔާސީ އިންތިހާބާއި މަޖިލިސް އިންތިހާބުންނާއި ބައި އިލެކްޝަނުން ރައީސް މުއިއްޒު ނަތީޖާ ނެރެފައިވާކަމަށް ވިދާޅުވިއެވެ.

"ޕާޓީއަށް 97،000 ފޯމު ލިބިފައި އެބަހުރި. އެތޭރޭގެ ދަފްތަރު ކުރެވިފައި އެބަވޭ 75،000 އަށް ވުރެ ގިނަ މެންބަރުން. އިލެކްޝަންސް ކޮމިޝަންގެ ޕްރޮސެސް ތެރެއިން އިތުރުވަމުންދަނީ ހަފްތާއަކުން ހަފްތާއަކުން. ކުރިއަށް އޮތް ދުވަސްތަކުގެ ތެރޭގައި 100،000 މެންބަރުންނާއެކު ހަރަކާތްތެރިވާ ފުރަތަމަ ސިޔާސީ ޕާޓީއަށް ޕީއެންސީ ވާނެ." ޢަބްދުއްރަޙީމް ވިދާޅުވިއެވެ.

ޙަސަން ޒަރީރު