މަޖިލީހުގެ ފުރަތަމަ ދަޢުރުން ޙުސްނީ އަށް އޭ ސްޓާރ އެއް!

20 ވަނަ ރައްޔިތުންގެ މަޖިލީހުގެ ފުރަތަމަ ދަޢުރު ނިންމާލައިފިއެވެ.

މަޖިލީހުން އާއްމުކޮށްފައިވާ ތަފާސް ހިސާބަށް ބަލާއިރު، މި ދައުރު ވަނީ ޖުމްލަ 33 ޖަލްސާއެއް ބާއްވާފައެވެ.

މަނަދޫ ދާއިރާގެ މެމްބަރުގެ ހައިޞިއްޔަތުން ޙުސްނީ ވަނީ ތަފާތު ދައްކުވައިދީފައެވެ. އެގޮތުން މަޖިލީހުގެ ފުރަތަމަ ދައުރުގެ ހުރިހާ ޖަލްސާތަކަށް ޤަވާއިދުން ހާޟިރުވެ، ހުރިހާ ކޮމެޓީ ބައްދަލުވުންތަކަށްވެސް ވަނީ ހާޟިރުވެފައެވެ.

މީގެ އިތުރުން މަޖިލީހަށް ހުށަހެޅުނު އެތައް ބިލަކަށް ބިނާކުރަނިވި ގޮތެއްގައި ބަހުސްކޮށް، ސަރުކާރުގެ ފަރާތުން ހުށަހެޅި ބިލެއް ސްޕޮންސަރކޮށްފައިވެސް ވެއެވެ.

ޙުސްނީ ކުރައްވާފައިވާ އެފްބީ ޕޯސްޓް:

20 ވަނަ މަޖިލީހުގެ ފުރަތަމަ ދަޢުރު ނިމުނު އިރުވެސް ޕްރޮސިކިއުޓަ ޖެނެރަލްގެ މަގާމަށް މީހަކު އައްޔަން ކުރުމަށް ރައްޔިތުންގެ މަޖިލީހުގެ ދައުރުން ބޭރުގައި ދެ ޖަލްސާއެއް ބާއްވަން ވަނީ ނިންމާފައެވެ.

ޕްރޮސިކިއުޓަ ޖެނެރަލްގެ މަގާމު ހުސްވީ، އެ މަގާމުގައި ހުންނެވި ހުސައިން ޝަމީމް ވަކިކުރަން ރޭ ބޭއްވި ޖަލްސާގެ ކުރިއަށް އިސްތިއުފާ ދެއްވުމާ ގުޅިގެންނެވެ ޝަމީމް އިސްތިއުފާ ދެއްވި ނަމަވެސް، އޭނާ މަގާމުން ވަކިކުރަން ރޭގެ ޖަލްސާގައި ވޯޓު ނަގައި، އެގޮތަށް ފާސްކުރި އެވެ.

ޕްރޮސިކިއުޓަ ޖެނެރަލް ގާނޫނުގައި ބުނެފައި ވަނީ މަގާމުން އިސްތިއުފާދޭން ބޭނުންވެއްޖެ ހިނދެއްގައި، ސިޓީއަކުން އެކަން ބަޔާންކޮށް، ރައީސުލްޖުމްހޫރިއްޔާއަށް ހުށަހަޅައި، އެ ސިޓީ ރައީސުލްޖުމްހޫރިއްޔާއަށް ލިބުމުން، ޕްރޮސިކިއުޓަ ޖެނެރަލްއިން ވަކިވީ ކަމަށެވެ.

ޕްރޮސިކިއުޓަ ޖެނެރަލްގެ މަގާމު އެއްވެސް ހާލަތެއްގައި ހުސްވެއްޖެނަމަ، މަގާމު ހުސްވާތާ އެންމެ ލަސްވެގެން 30 (ތިރީސް) ދުވަހުގެ ތެރޭގައި އާ ބޭފުޅަކު މަގާމަށް އައްޔަން ކުރަންޖެހޭނެ ކަމަށް ގާނޫނުގައި ބުނެފައިވެ އެވެ.