ރައީސް ޑރ. މުހައްމަދު މުއިއްޒު މާލޭގެ ހުރިހާ އަވަށްތަކާ ބައްދަލުކުރެއްވުމަށް މިހާރު ކުރިއަށް ގެންދަވާ ސިލްސިލާ ބައްދަލުވުންތަކުގެ ތެރެއިން މާދަމާ ރޭ ހެންވޭރު ރައްޔިތުންނާ ބައްދަލުކުރައްވަން ނިންމަވައިފި އެވެ.
ރައީސް އޮފީހުގެ ތަރުޖަމާން ހީނާ ވަލީދު ކުރެއްވި އެކްސް ޕޯސްޓެއްގައި ވިދާޅުވީ ރައީސް ހެންވޭރު ރައްޔިތުންނާ ބައްދަލު ކުރައްވާނީ ކަލާފާނު އިސްކޫލުގައި މާދަމާ ރޭ 8:30ގައި ކަމަށެވެ.
މި ބައްދަލުވުމުގައި ބައިވެރިވުމަށް މާފަންނުގައި ދިރިއުޅޭ ހުރިހާ ރައްޔިތުންނަށް ސަރުކާރުން ދައުވަތު ދީފައިވެ އެވެ.
ވެރިކަމާ ހަވާލުވެޑައިގަތް ފަހުން މިދިޔަ ދެ އަހަރެއްހާ ދުވަހުގެ ތެރޭ ރައީސް ޑރ. މުއިއްޒު ވަނީ ރާއްޖޭގައި މީހުން ދިރިއުޅޭ 187 ރަށަށް ވަޑައިގެންފަ އެވެ. މީގެ ތެރެއިން 63 ރަށަކަށް އެ މަނިކުފާނު ދެ ފަހަރަށް ވަޑައިގަތެވެ.
ރާއްޖޭގައި މީހުން ދިރިއުޅޭ ހުރިހާ ރަށަކަށް ވަޑައިގަތުމަށްފަހު ރައީސް ދެން ބައްދަލު ކުރައްވަން ފެއްޓެވީ މާލޭ ރައްޔިތުންނާ އެވެ. އެގޮތުން މިހާތަނަށް ވިލިމާލެ އާއި މައްޗަންގޮޅި އަދި މާފަންނުގައި ދިރިއުޅޭ ރައްޔިތުންނާ އެ މަނިކުފާނު ވަނީ ބައްދަލު ކުރައްވާފަ އެވެ.
ކޮމެންޓް