މިއަދު ހަވީރު ސިނަމާލެ ބުރިޖު މަތިން ހިނގި އެކްސިޑެންޓެއްގައި އަނިޔާ ލިބުނު ބަޔަކަށް ހޯމް މިނިސްޓަރު އަލީ އިހުސާން އެހީތެރިކަން ފޯރުކޮށްދެއްވައިފި އެވެ.
އެކްސިޑެންޓުގައި އަނިޔާވެފައި ވަނީ ސައިކަލުގައި ތިބި ދެ ފިރިހެނުންނަށެވެ.
މާލެއިން ހުޅުމާލެއަށް ދުއްވާފައި ދިޔަ ދެ ސައިކަލް ބުރިޖު މަތިން ޖެހި އެކްސިޑެންޓް ވެފައިވާ ކަމުގެ ރިޕޯޓް ލިބުނީ މިއަދު 6:35 އެހާއިރު ކަމަށް ފުލުހުން ފުލުހުން ބުނެ އެވެ.
އެ މީހުންނަށް ހުޅުމާލޭ ހޮސްޕިޓަލްގައި ދަނީ ފަރުވާ ދެމުންނެވެ.
ފުލުހުން ބުނީ މި އެކްސިޑެންޓުގައި އަނިޔާވި މީހުންނަށް ހޯމް މިނިސްޓަރު އަލީ އިހުސާން އެހީތެރިކަން ފޯރުކޮށްދެއްވާފައިވާ ކަމަށެވެ. އެގޮތުން އަނިޔާވި މީހުން ހޮސްޕިޓަލަށް ގެންގޮސްފައިވަނީ ވެސް މިނިސްޓަރު ކާރުކޮޅުގަ އެވެ.
މި އެކްސިޑެންޓުގައި އެކެއްގެ މޫނު މަތިން ފަޅައިގެން ގޮސް، ދެ މީހުންގެ ގައިގެ އެކި ތަންތަނުން މަށައިގެން ގޮސް އެކި ވަރުގެ އަނިޔާވެފައިވެ އެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.
ކޮމެންޓް