މަޝްހޫރު ވިޔަފާރި ވެރިޔާ ޑރ. ސަނީ އުމަރު ވެލާނާ އިންޓަނޭޝަނަލް އެއާޕޯޓުގައި ފުރަން ގޮސް ހުއްޓާ މިރޭ ހިފަހައްޓައިފި އެވެ.
ފުލުހުން މިއަދު ބުނީ ސަނީ އުމަރު ކުޑަކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް ފުލުހަށް ހުށަހަޅާފައިވާތީ، އެ މައްސަލައާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށެވެ.
އެ ގޮތުން އޭނާ މިއަދު ވަނީ އެ މައްސަލައާ ބެހޭ ގޮތުން ސުވާލުކުރުމަށް ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމެންޓަށް ހާޒިރުކޮށްފަ އެވެ. ނަމަވެސް އޭނާ ހައްޔަރެއް ނުކުރެ އެވެ.
އެހެންކަމުން ބެލޭ ގޮތުގައި އޭނާ މަސައްކަތް ކުރީ ރާއްޖެއިން ފިލައިގެން ދާށެވެ.
ފުލުހުން ދާދި ދެންމެއަކު ބުނީ ސަނީ އުމަރު ފުލުހުންގެ ބެލުމުގެ ދަށަށް ގެނެސްފައިވަނީ އެއާޕޯޓުގައި ހުއްޓާ ކަމަށެވެ. އިތުރު ތަފުސީލެއް ނުދެ އެވެ.
މި މައްސަލައިގެ ތުހުމަތު އަމާޒުވުމާއެކު ސަނީގެ ހިއްސާ އޮންނަ ދަ ޓްރެވެލް ޕްރައިވެޓް ލިމިޓެޑުން އޭނާ ވަކި ކުރަން އެ ކުންފުނިން ވަނީ ނިންމާފަ އެވެ.
ކޮމެންޓް