ސްރީލަންކާ އަށް އެހީތެރިކަން ފޯރުކޮށްދިނުމަށް ދައުލަތުގެ މީޑިއާ، ޕަބްލިކް ސާވިސް މީޑިއާ (ޕީއެސްއެމް) އާއި ރާއްޖޭގެ ބައެއް މީޑިއާތައް ގުޅިގެން ކުރިއަށް ގެންދާ "ސިލޯނާއެކު ދިވެހީން" ޓެލެތޯނަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން އެއް ލައްކަ ރުފިޔާ ހަދިޔާކޮށްފި އެވެ.
ފައިސާގެ އެހީ ހަވާލުކޮށްދެއްވުމަށްފަހު ވާހަކަ ދައްކަވަމުން އެމްޓީސީސީގެ ސީނިއާ ޖެނެރަލް މެނޭޖަރު ފާތިމަތު ޖަބީން ވަނީ މި ދަތި ހާލަތުގައި ލަންކާގެ ރައްޔިތުންނާއެކު ތިބި ކަމަށް ވިދާޅުވެ، އެ ކުންފުނީގެ މެނޭޖުމެންޓާއި މުވައްޒަފުންގެ ފަރާތުން ލަންކާގައި ހާލުގައި ޖެހިފައިވާ ފަރާތްތަކަށް ހަމްދަރުދީ ފޮނުއްވާފަ އެވެ.
މިދިޔަ އާދިއްތަ ދުވަހުގެ ހެނދު 9:00 ގައި ފެށި މި ޓެލެތޯން މިއަދު މެންދުރު ފަހު 2:00 އާ ހަމައަށް ކުރިއަށް ގެންދިޔަ އެވެ. އަދި މިހާރު ފޮށިތައް ގުނުމުގެ މަސައްކަތް ފަށާފައިވާއިރު، މިހާތަނަށް މި ޓެލެތޯނަށް 11 މިލިއަނަށްވުރެ ގިނަ ރުފިޔާ ލިބިފައިވެ އެވެ. އެއީ ޑޮލަރު އެކައުންޓަށް ލިބުނު 43،681.31 ޑޮލަރާއެކުގަ އެވެ.
މިއީ ޕީއެސްއެމް އާއި ރާއްޖޭގެ 38 މީޑިއާއަކުން ގުޅިގެން ސްރީލަންކާ އަށް އަރައިގެން އުޅޭ ތޫފާން ދިތުވާނެ ސަބަބުން އެ ގައުމަށް ލިބެމުން އަންނަ ގެއްލުންތަކުން އަރައިގަތުމަށް ޓަކައި އެހީތެރިކަން ފޯރުކޮށްދޭން ކުރިއަށް ގެންދާ ޓެލެތޯނެކެވެ.
ކޮމެންޓް